Улаанбаатар хот дотор ба орон нутгийн унаанд хийх

Хүргэлтийн бүс

Сэтгэл сэргээх, сэдэлжүүлэх-Бүтээлч амьдрахуй
Хамгийн гоёмсог бөгөөд хэрэглээг тооцоолсон төлөвлөгөөний дэвтэр, арьсан бүтээгдэхүүнүүд

Tinabel

Жил бүрийн эхэнд бид урам зоригтойгоор, маш сонсголонтой зорилгуудыг өмнөө тавьдаг. Гэвч зорилгодоо хүрэх сэтгэл маань дурласан сэтгэл шиг тэгсгээд хурдан унтардаг нь харамсалтай. “Тууштай байх юмсан”, “Яагаад би нэг юмаа тууштай хийж чаддаггүй юм бол оо?”Зорьсон зорилгоо биелүүлэхэд шаардлагатай олон орц бий. Өөдрөг байх, зоригтой байх, эрч хүчтэй байх зэрэг орцуудын талаар хангалттай ярьдаг ч даруухан хэрнээ хамгийн чухал, үндсэн, гол орц болох “тууштай байдал”-ын талаар тийм ч&nbsp;их дурдагддаггүй. Бүх хүнд л санаа зорилго, урам зориг байдаг. Гэтэл тууштай л байж чадахгүй бол хамгийн шилдэг зорилго ч хоосон зүйл юм.&nbsp;Тууштай байх талаар үнэн бодитой, цөөн #tinabeltip –үүдийг хүргэе.&nbsp;1. Үр дүнд биш процесст төвлөрИхэнх хүний тууштай байж чаддаггүй тэргүүн шалтгаан нь процесст биш, үр дүнд төвлөрсөнд байдаг. Очих газар чухал ч түүнд хүргэх аян зам дутуугүй чухал билээ. Үүнийг хийгээд байвал нэг л өдөр тийм болно доо гэсэн фантазтай бодол бидэнд түлхэц болдог нь үнэн ч, хийгээд л байхад өнөөх үр дүн хол хэвээрээ л харагддаг учир төд удалгүй шантрах шалтгаан болдог. Үүний оронд, зүгээр л хийсээр байх, юу ч хүсэн хүлээлгүйгээр үргэлжлүүлэн хийсээр байвал нэг л мэдэхэд хүссэн үр дүндээ ойрхон очсон байх болно.&nbsp;2. Бодит төлөвлөгөө“Planning nurtures persistence” буюу “Төлөвлөгөө тууштай байдлыг тэжээдэг” гэдэг үг манай EP-ийн урд бий. Зорилгоо сайн жижиглэн задалж, өдөр бүр, долоо хоног бүрийнхээ төлөвлөгөөнд огноотой нь цуг тусгаж өгснөөр хойшлуулалгүй, зүгээр л хийх, юу ч болж байсан ямартай ч хийгээд л байх сэдлийг өөртөө өгнө. Үүнд нь EP дэвтэр нь тус болно. Биччихсэн байхад хийж л таараа.&nbsp;3. F.O.C.U.SРоберт Киосакигийн Follow One Course Until Success гэдэг томьёо бий. Олон зүйлийг зэрэг хийж байхдаа бид өөрсдийгөө тэрхэн мөчид мундаг байгаагаар мэдэрдэг ч, дараа нь алийг нь ч сайн үр дүнтэй хийгээгүй гэдгээ мэдрэх үедээ мунхаг байснаа ойлгодог. Өдөр бүрийн ажлаа хийхдээ FOCUS буюу ганц зүйлийг амжилттай дуусгатлаа дараагийн ажилдаа орохгүй байж чадвал томоохон зорилгууд дээр ч сайн төвлөрч чадна. Өөрөөр хэлбэл, өдөр бүрийн ажлууд дээр төвлөрөх дадал суулгаж чадвал, урт хугацааны зорилгод ч төвлөрч чадна гэсэн үг. Үүний ижил, жижигхэн зүйл дээр тууштай байгаад үзчихвэл том зүйл дээр ч тууштай байж чадна.&nbsp;4. Хиймээргүй байсан ч хийхБидний нэг түгээмэл муу зан бол хиймээр санагдсан үедээ л хийдэг зан юм. Mood төрөхгүй байсан ч, ядарч байсан ч, хэцүү байсан ч, боломжгүй байсан ч хийх ёстой зүйлээ хийх нь тууштай байдалд шаардлагатай сахилга бат, хариуцлага билээ.&nbsp;Урам зориггүй байсан ч фитнесстээ яв. Эрүүл мэнддээ тууштай бай.&nbsp;Урам зориггүй байсан ч ханийгаа үнс. Гэрлэлтэндээ тууштай бай.&nbsp;Урам зориггүй байсан ч ажлаа хий. Амжилтандаа тууштай бай.&nbsp;Уруулаа өргөхөд инээмсэглэмээр зүйл санаанд ордог шиг, хийгээд эхэлвэл урам зориг өөрөө төрөх болно. Дуртай ажлаа хийхийн тулд дургүй ажлуудаа ч гэсэн хийх л хэрэгтэй болдог.&nbsp; 5. Өөрийгөө уучлаад ахиад эхлэЭхний оролдлого дээрээ шантарсан ч “Би ёстой тууштай байж чаддаггүй” гэж өөрийгөө буруутгахаа болиод “За за, түр тасалдчихлаа. Маргааш ахиад эхэлчихье” гээд эхэлдэг байгаарай. Дундуур нь шантарсан ч ахиад л эхлээд байх нь тууштай байх зарчмын нэг мөнөөсөө мөн.&nbsp;Төлөвлөгөө гарга. Аян замаасаа таашаал ав. Нэг дор нэг л зорилгодоо төвлөр. Хиймээргүй байсан ч хийгээд л бай. Дундуур нь тасалдсан ч ахиад л эхлэ.&nbsp; Таны “тууштай байх” өөрчлөлтөнд амжилт хүсье!

Энэ жил таны өөртөө хийх хамгийн чухал өөрчлөлт: ТУУШТАЙ БАЙХ

Тинабел тип булангаар дандаа цаг зохион байгуулалтын зөвлөгөө өгдөг байсан бол энэ удаад сэдэв жаахан хазайж байна. Ээжүүдийн групп доторх хамгийн эрэлттэй сэдэв энэ болохыг би саяхан олж мэдлээ. Үнэхээр ч, Тинабелээ эхлүүлээд удаагүй байхаас авахуулан өнөөг хүртэл үе тэнгийн хөөрхөн ээжүүдээс маань надад “Яаж чам шиг хүүхдээ харангаа, гэрээсээ бизнес эхлүүлэх вэ?” гэдэг асуулт олон удаа ирж байсан.Тухайн үед нь мундаг хариулт санаанд орж ирэхгүй, “Өө, зүгээр хиймээр санагдаад л хийчихсэн юм” гэхээс хэтэрдэггүй байв. Нээрээ л миний хувьд хиймээр санагдаад л хийж яваа зүйл минь бусад залуу ээжүүдийн хувьд ямар нэг тусгай арга, нууц жорын тусламжтайгаар хийсэн хэцүү зүйл мэт харагддаг ажээ. Тиймээс би өөрийн туршлагыг гололгүйгээр, бизнес эхлүүлмээр байгаа ээжүүддээ бяцхан зөвлөгөө бичихээр шийдлээ.1. Хүүхдээ харангаа заавал бизнес эхлүүлэх “албагүй” гэдгийг санаЭнэ сэдэв дээр хамгийн түрүүнд бичмээр санагдсан зүйл бол энэ. Анзаарах нь ээ, хүүхдээ харангаа бизнес хийнэ гэдэг бараг хоцорч болохгүй тренд шиг болж эхэлж байх шиг ээ. Энэ нь тодорхой хэмжээгээр FOMO буюу “юмнаас хоцрох айдас” төрүүлж байгаа. Үнэндээ ээж боллоо гээд заавал бизнес хийж, мөнгө олж, бужигнуулах албагүй.Харин ч хоёр жил бүх анхаарлаа хүүхэддээ тултал хандуулчихаад өмнө нь хийдэг байсан сайхан ажил, хамт олондоо эрч хүчтэйгээр эргээд очиж болно шүү дээ. Ээж байна гэдэг дангаараа л бахархмаар ажил. Нэмэлт орлого хэрэгтэй байвал freelance орчуулга гэх мэт ажил хийж болно. “Ямар нэг юм хийх хэрэгтэй” гэсэн нийгмийн шахалтаар өөртөө дарамт үүсгэж, хүчлээд хэрэггүй.Харин угаасаа л бизнес хийнэ гэж боддог байсан, түүн лүү татагддаг байсан, янз бүрийн санаа төрдөг байсан ч завдал нь л гардаггүй байсан бол гэртээ хүүхдээ харах 2 жилийн хугацаа нь санаснаа гүйцэлдүүлэх, өөрийгөө сориод үзэх “төгс” боломж юм шүү. Эргээд ажилдаа орчихвол ахиад л завгүй болчихно.2. Хүмүүсийн хийхгүй байгаа зүйлийг сэтгэж хийЭэжүүд маань бусдын олноороо хийж байгаа зүйлээс санаа авч ижил төрлийн бизнесийг эхлүүлэх нь түгээмэл. “Энэ бизнес ашигтай юм шиг байна аа, олон хүн хийж байна”, “Хүмүүс хийж чадаад байгаа бол би ч гэсэн чадах юм байна” гэсэн урам зоригоор адилхан бизнес лүү ханцуй шамлан ордог. Гэхдээ олон хүний хийж байгаа бизнесээс илүү, хэний ч хийхгүй байгаа зүйлийг хийвэл таны бизнес зах зээлд амархан танигдахаас гадна, үнээ өөрийнхөөрөө тогтоох боломжтой байдаг. Хүүхдээ харах стрессийн хажуугаар ахиад “бусадтай өрсөлдөнө” гэдэг стресс өөртөө нэмэх хэрэгтэй гэж үү? Том зах зээлд жижиг тоглогч байхаас, жижиг зах зээлийн том тоглогч байх нь өрсөлдөөнөөс хамаагүй ангид, стресс багатай байдаг шиг санагддаг шүү.3. Онгодоо сонс“Юу хийж болох уу?” гэж бодож, хайж, хүчилж байгаад олсон санаанаас илүү, тэр талаар бодоогүй байхад өөрөө тархинд “чийдэн асах мэт” ирсэн санаа амжилттай болох магадлал нь илүү их. Яагаад гэвэл ингэж таныг дуудаж байгаа санаа original байдаг. Мөн хорвоо ертөнц дээрх бүх шинэ санаа хэн нэгний “зовлон”-оос үүдэлтэй байдаг гэдгийг санаарай. Өөрийн хэрэгцээний “зовлон”-д анхаарлаа хандуул. Танд хэрэглэгчийн үүднээс юу дутагдаж байна? Хорвоод юу зохион бүтээгдсэн бол, монголд юу байсансан бол өдөр тутмын амьдрал тань амар хялбар, сэтгэл ханамжтай болох вэ? Та юуг хайгаад хайгаад олдоггүй вэ?4. Анхны санаа төгс биш байсан ч хоёр дахь санааг олох гүүр нь болдогТаны анхны санаа бүтэлгүйтсэн ч, тэр нь таны дараагийн илүү амжилттай санааны “гүүр” нь байх магадлалтай. Угаасаа бидний зөнгөөрөө хийгээд л яваа бүтэх, бүтэхгүй олон зүйлс амьдралын хамгийн чухал эргэлтийн цэг лүү хөтөлж буй жижиг чулуунууд байж таардаг. Анхны санаа чинь хэтэрхий түгээмэл, дутуу дулимаг юм шиг санагдвал хийнгээ бага багаар сайжруулаад, засаад л яваад байж болно. Анхны санаа чинь бүүр бүтэлгүйтвэл түүнээсээ туршлагажаад ахин өөр санааг хэрэгжүүлж болно. Ямартай ч анхны ганц санаагаараа бүү зогсоорой.5. Түрхэн зуурын нэмэлт орлого гэж хандалгүй, бүтэн цагийн ажил болгохыг зорьГэртээ суух хугацаандаа маш гоё бизнес эхлүүлээд, ид цэцэглээд, яг жигдрэх гэж байхад нь эргээд хуучин ажилдаа орж өнөөхөө тоосонд даруулаад орхисон ээжүүд олон байдаг. Нэгэнт оюун санаа, сэтгэл зүрх, цаг хугацаагаа зориулан босгож эхэлсэн зүйлдээ тууштай байж, хэсэгхэн зуурын нэмэлт орлого side-hustle гэж харалгүйгээр, бүтэн цагийн ажил, магадгүй ирээдүйд түүнээс ч илүү өгөөж өгөх бизнес болгон өргөжүүлэхийг зориорой. Тэгвэл таны толгой ч илүү ажиллаж, зүтгэл ч ихсэж, жинхэнэ өгөөжөө өгч эхлэх болно.Энэ зөвлөгөө маань миний л туршлагаас үүдсэн учир дутуу дулимаг юм. Тиймээс би өөрийн хамгийн ойрын хүрээллийн жижиг бизнес эрхлэгч найзууд, ээжүүдээсээ типийг нь цуглуулаад PART2 болгож ахин нийтлэх болно оо.Хүүхдээ төрүүлэхдээ бид ч бас өөртөө цоо шинэ ертөнцийг нээж, дахин төрдөг. Нүд маань нээгдэж, өмнөхөөсөө огт өөр зүйл бодогдож эхэлдэг энэ үед урьд нь бол зориглож чадахгүй байсан зүйлээ зоригтойгоор хийх ер бусын хүчтэй байдаг юм шүү. Бүх бизнес эхлүүлэх гэж байгаа ээжүүддээ амжилт!

ГЭРТЭЭ ХҮҮХДЭЭ ХАРАХ ХУГАЦААНДАА ХЭРХЭН БИЗНЕС ЭХЛҮҮЛЭХ ВЭ?

Self Care First дэвтэрний эхний хуудсанд дээрх өгүүлбэрийг бичсэн байдаг. Бид өөрийгөө хайрлана гэхээр гоо сайхан, эрүүл мэнддээ анхаарах тухайд түлхүү төвлөрдөг ч сэтгэлзүйгээ хайрлах тухайд төдийлөн онцолж боддоггүй билээ.&nbsp;Өөрийгөө хайрлана гэдэг “ХИЛ ХЯЗГААР ТОГТООХ”-ыг хэлнэ. Тэгвэл “хил хязгаар тогтоох” гэж юу юм бэ?&nbsp;Эмэгтэйчүүд бидэнд бусдад таалагдах, бусдын ая талыг харах, бусдын төлөө өөрийгөө хохироох хандлага илүү байдаг. Энэ нь “сайн охин” байхаар бэлтгэгдсэнтэй холбоотой. Гэхдээ “сайн охин” байхын тулд өөрсдийн дургүй зүйлийг хүчээр хийх, бусдын сөрөг нөлөөнд автсаар байх, бусдын дорд үзсэн үйлдлүүдийг хүлээн зөвшөөрөх тохиолдол зөндөө гардаг.&nbsp;”Хил хязгаар тогтоох” гэдэг нь бусад хүний танд гаргаж болох ба болохгүй хандлагын хооронд, таны өөртөө зөвшөөрөх болон зөвшөөрөхгүй зүйлсийн хооронд шугам татаж, зарчимтай байхыг хэлнэ. “Хаа хамаагүй” амьдралаас, хүмүүсээс, нөхцөл байдлаас өөрийгөө хамгаална гэсэн үг. &nbsp;Гэхдээ өөрийгөө хамгаалж байна гээд бусдад цаг ямагт уурлана гэсэн үг биш, тэгвэл харин ч сэтгэлзүйгээ гэмтээж байгаагаас өөрцгүй шүү дээ. Зүгээр л зайгаа барин, ахиж өөртөө халдах боломж олгохгүй байх нь түүнээс илүү чухал.&nbsp;Товчхондоо, энэ нь өөрийнхөө энергийн орон зайг л өндөгний хальс, нүдний цөцгий мэт хайрлан хамгаалж, гэмтээхгүй байх тухай юм.&nbsp;Бусдыг уурлуулахгүй байх нь таны үүрэг хариуцлага биш, хүмүүст таалагдах нь таны үүрэх ёстой ачаа биш юм шүү.&nbsp;#tinabeltip #Сэтгэлсэргээх #Сэдэлжүүлэх

ӨӨРИЙГӨӨ ХАЙРЛАНА ГЭДЭГ “ХИЛ ХЯЗГААР ТОГТООХ”-ЫГ ХЭЛНЭ

Өнгөрсөн Бямба гаригт миний ойрын хүрээллийн жижиг бизнес эрхлэгч ээжүүд уулзалдаж Goolingoo&amp;Wine подкастын “Баараг л 0-ээс эхэлсэн бизнесүүд” дугаарт оролцсон юм. Тэнд бизнесийн аялалаа эхлүүлээд 2-8 жилийн нүүрийг үзэж байгаа 5 залуухан бүсгүй өнөөдрийг хүртэлх амжилтаас гадна алдаа оноогоо ч ний нуугүй хуваалцсан.“Дөнгөж бизнесээ эхлэхээр зориглож байгаа бүсгүйчүүддээ өөрийн зүгээс юу гэж зөвлөхийг хүсдэг вэ?” гэсэн асуултын хариултуудыг хүргэе.1. Алдаа гэж байдаггүй (Хишигмаа, <a href="https://www.facebook.com/nandinclothing/?__cft__[0]=AZWcqfr5YY7CoM7RWmS2MRyOKT6bbVr_FVNec7B2QaLorYOlwdj-fQPJVwQxKzSPXVxmbChbMMhi2BNNe2LI_n4rULqCyp5xFltxZfH44Y6haYwkhMP9kyV0aWH7FpE7OeiaT4TTZiCLfQk3uX5aV1fCnQdgI6kso7eG1xWSh8Oy5Q&amp;__tn__=kK-y-R" rel="noopener noreferrer" target="_blank" style="background-color: transparent; color: var(--accent);">Nandin Clothing</a>)Зүгээр л эхлэх хэрэгтэй. Ердөө олон юм бодох хэрэггүй. Ямар нэг санаа чиний толгойноос гарахгүй, чамайг ээрч байвал тэр чиний амьдралдаа заавал хийх ёстой зүйлсийн нэг мөн. Насан туршдаа түүнийг хийх албагүй шүү дээ. Тиймээс зүгээр л эхлэ. Алдаа гэж байдаггүй, сургамж л гэж байдаг.2. Хэт хурдан томрох гэж яаралгүй, органик өсөлтийг чухалчил (Аззаяа, <a href="https://www.facebook.com/TinabelStationery/?__cft__[0]=AZWcqfr5YY7CoM7RWmS2MRyOKT6bbVr_FVNec7B2QaLorYOlwdj-fQPJVwQxKzSPXVxmbChbMMhi2BNNe2LI_n4rULqCyp5xFltxZfH44Y6haYwkhMP9kyV0aWH7FpE7OeiaT4TTZiCLfQk3uX5aV1fCnQdgI6kso7eG1xWSh8Oy5Q&amp;__tn__=kK-y-R" rel="noopener noreferrer" target="_blank" style="background-color: transparent; color: var(--accent);">Tinabel Stationery</a>)Старт Апууд гялс томрох ёстой гэсэн ухуулганд авталгүй, өөрийн хурдаар урагшлаарай. Бизнес эхлүүлмэгцээ л шууд оффис түрээслээд, хэд хэдэн ажилтан авч цалинжуулаад, хөрөнгө оруулалт аваад л явах ёстой юм шиг сурталчлах нь бий. Үүнээс болоод дөнгөж эхэлж байгаа бизнесүүд их хэмжээний өрөнд орох, төд удалгүй шантрах тохиолдлууд зөндөө. Гэтэл цаг үе өөрчлөгдөж, бизнесийн уламжлалт модел, загварууд эвдэгдэж байгаа учраас заавал тогтсон замналын дагуу явалгүй, цомхон бүтцээр өргөн цар хүрээг хамрах тал дээр анхаараарай. Хэсэг хугацааны дараа, цаг нь болохоор угаасаа бизнес чинь бүх шаардлагатай өсөлтөө өөрөө нэхэн шаардаад эхлэх болно.3. Анхны загвараа цаасаар ч хамаагүй хийгээд үз (Уянга, <a href="https://www.facebook.com/URMineMongolia/?__cft__[0]=AZWcqfr5YY7CoM7RWmS2MRyOKT6bbVr_FVNec7B2QaLorYOlwdj-fQPJVwQxKzSPXVxmbChbMMhi2BNNe2LI_n4rULqCyp5xFltxZfH44Y6haYwkhMP9kyV0aWH7FpE7OeiaT4TTZiCLfQk3uX5aV1fCnQdgI6kso7eG1xWSh8Oy5Q&amp;__tn__=kK-y-R" rel="noopener noreferrer" target="_blank" style="background-color: transparent; color: var(--accent);">ҮР МИНЬ</a>)Бодож байгаа санааныхаа анхны загварыг цаасаар ч хамаагүй хийлгээд, гартаа бариад үзээрэй. Үүнд нэг их зардал орохгүй. Толгойд чинь байгаа зүйл биет болохыг харах тэр мөчөөс л бизнесээ шууд эхлүүлж, цааш явах урам зориг чинь бүр их төрөх болно.4. Санхүүгийн сахилга баттай байж, бизнесээ өргөжүүлэх мөнгөө хураагаарай (Даваанаа, <a href="https://www.facebook.com/Cartoon-kids-348248415226610/?__cft__[0]=AZWcqfr5YY7CoM7RWmS2MRyOKT6bbVr_FVNec7B2QaLorYOlwdj-fQPJVwQxKzSPXVxmbChbMMhi2BNNe2LI_n4rULqCyp5xFltxZfH44Y6haYwkhMP9kyV0aWH7FpE7OeiaT4TTZiCLfQk3uX5aV1fCnQdgI6kso7eG1xWSh8Oy5Q&amp;__tn__=kK-y-R" rel="noopener noreferrer" target="_blank" style="background-color: transparent; color: var(--accent);">Cartoon kids</a>)Сар бүрийн ашгаасаа бизнесээ өргөжүүлэх, үргэжлүүлэх хуримтлалын санг үүсгэж яваарай. Мөн анхны борлуулалтаа өөрийн хүрээллээс эхлүүлээрэй, тэд чамайг чин сэтгэлээсээ дэмжих учраас бизнес эхэлж байгаа хүмүүст нэн шаардлагатай урмаар тэтгэх болно.5. Мөнгөөр шийдэгддэггүй хэсгээсээ эхлэ (Энхжин, <a href="https://www.facebook.com/shopaguide/?__cft__[0]=AZWcqfr5YY7CoM7RWmS2MRyOKT6bbVr_FVNec7B2QaLorYOlwdj-fQPJVwQxKzSPXVxmbChbMMhi2BNNe2LI_n4rULqCyp5xFltxZfH44Y6haYwkhMP9kyV0aWH7FpE7OeiaT4TTZiCLfQk3uX5aV1fCnQdgI6kso7eG1xWSh8Oy5Q&amp;__tn__=kK-y-R" rel="noopener noreferrer" target="_blank" style="background-color: transparent; color: var(--accent);">Shopaholic.guide</a>)Бизнес эхлэхэд бага ч болов мөнгө шаардлагатай юу гэвэл тийм. Гэхдээ мөнгөнөөс хамааралгүйгээр таны хийж чадах зүйлс тэрнээс ч их хувийг эзэлж байгаа. Тиймээс заавал санхүүгээр өөрийгөө хязгаарлалгүйгээр, бизнесийнхээ мөнгөний шаардлагагүй хэсгүүдээс эхлээрэй. Төлөвлөгөө, судалгаа, анхны туршилтууд, сошиал медиагаа хөтөлж эхлэх гээд юу ч байж болно шүү дээ.Энэ бол хаа нэгтээгээс орчуулсан, хүнээс сонссон, номноос уншсан биш, бүгд өөрсдийн туршлагаас хуваалцсан бодит зөвлөгөөнүүд учраас яг одоо бизнес эхлүүлэх гэж байгаа танд хамгийн ойр, наалдацтай байгаа гэж найдаж байна. <img src="https://static.xx.fbcdn.net/images/emoji.php/v9/te/1/16/1f347.png">Goolingoo&amp;Wine подкастыг бүтнээр нь сонсохыг хүсвэл:M+: <a href="https://l.facebook.com/l.php?u=https%3A%2F%2Fmplus.mn%2Fpodcast%2Fgoolingoo%26wine%2Fbaarag-l-0-ees-ekhelsen-biznesiyn-tuukhuud%3Ffbclid%3DIwAR1oAbKFH6bm7Hc1U-kcGAODy8AreBXi8HjkpzicbI4z1uXhSwZzswRP9Q4&amp;h=AT1PM8InaJeUByeva4qBuvUOnVZYZJYDHm95k9ChlTvHReJC0GTiOJugDJV-fIEN5HuvhetcTN3sBDl631OLfoVW0pvMPen10j1JvPi7svXf0YiG4SLBXLxi9iy8cpKiCZs&amp;__tn__=-UK-y-R&amp;c[0]=AT2uF9SxtTiJ_lND8gVknhx2OTCNbccRwg263znTW-S42TeQpkQESQ6un8vfYr7O32ZaaKyBS94MhkeYpiIrndSXzBSeYgRZ4EdhdhjCWJprJYRF2HOe6FaLnRewsN7B7lXMuMeOUCzgS_0v5yKWY0e5GqAiN6T5FfKzTeQhYWh1_8srQhrzh0d8RVnmgw5ShWACX5s" rel="noopener noreferrer" target="_blank" style="background-color: transparent; color: var(--blue-link);">https://mplus.mn/.../baarag-l-0-ees-ekhelsen-biznesiyn...</a>Soundcloud: <a href="https://l.facebook.com/l.php?u=https%3A%2F%2Fsoundcloud.com%2Friqfg9w9d5qw%2Fbaarag-l-0-ees-ekhelsen-biznesiyn-tkhd%3Ffbclid%3DIwAR30C3k5AZDDyD6_4D4ui0bgDeDq36AXMaObwcfCCXsgDikXSzCxONyB2Bg&amp;h=AT2iFs2OsDu4-M0Svc5UWtOvdkCLZOcCH3LNCCNMTh_TxI6AtoRjMmooL5Qvvm-6reoKEPhKwEojy4pP_LXS6SFP7F7g2J1Dwc6wEqm3PHJQy-LruTFoE3DoKXrT4L8NyCs&amp;__tn__=-UK-y-R&amp;c[0]=AT2uF9SxtTiJ_lND8gVknhx2OTCNbccRwg263znTW-S42TeQpkQESQ6un8vfYr7O32ZaaKyBS94MhkeYpiIrndSXzBSeYgRZ4EdhdhjCWJprJYRF2HOe6FaLnRewsN7B7lXMuMeOUCzgS_0v5yKWY0e5GqAiN6T5FfKzTeQhYWh1_8srQhrzh0d8RVnmgw5ShWACX5s" rel="noopener noreferrer" target="_blank" style="background-color: transparent; color: var(--blue-link);">https://soundcloud.com/.../baarag-l-0-ees-ekhelsen...</a>Youtube: <a href="https://l.facebook.com/l.php?u=https%3A%2F%2Fyoutu.be%2FLtSH3G1bROk%3Ffbclid%3DIwAR0qvfpLVK0-0B1hpx-84YqeQQLeu767Y3xLmCvebPOWFX6ySLivkz9ub70&amp;h=AT14lL0DDL67vK-YkoSf0h219hRANskQ6x7XrLbGRWpils2jMxDc_aXeK2zD6VkvvuItOQIh6b8K8tUphoozsDKnb4QTTLv7TFqXc3ZtRZg90SljYqMJS8Qh28HR_s0BTCU&amp;__tn__=-UK-y-R&amp;c[0]=AT2uF9SxtTiJ_lND8gVknhx2OTCNbccRwg263znTW-S42TeQpkQESQ6un8vfYr7O32ZaaKyBS94MhkeYpiIrndSXzBSeYgRZ4EdhdhjCWJprJYRF2HOe6FaLnRewsN7B7lXMuMeOUCzgS_0v5yKWY0e5GqAiN6T5FfKzTeQhYWh1_8srQhrzh0d8RVnmgw5ShWACX5s" rel="noopener noreferrer" target="_blank" style="background-color: transparent; color: var(--blue-link);">https://youtu.be/LtSH3G1bROk</a>Part 1: <a href="https://www.facebook.com/TinabelStationery/posts/596784610950069?__cft__[0]=AZWcqfr5YY7CoM7RWmS2MRyOKT6bbVr_FVNec7B2QaLorYOlwdj-fQPJVwQxKzSPXVxmbChbMMhi2BNNe2LI_n4rULqCyp5xFltxZfH44Y6haYwkhMP9kyV0aWH7FpE7OeiaT4TTZiCLfQk3uX5aV1fCnQdgI6kso7eG1xWSh8Oy5Q&amp;__tn__=-UK-y-R" rel="noopener noreferrer" target="_blank" style="background-color: transparent; color: var(--primary-text);">https://www.facebook.com/129647314330470/posts/596784610950069/?d=n</a>

ГЭРТЭЭ ХҮҮХДЭЭ ХАРАХ ХУГАЦААНДАА ХЭРХЭН БИЗНЕС ЭХЛҮҮЛЭХ ВЭ? (Part 2)

Өдөржингөө маамаатайгаа байхаар өөр юу ч хийж амжихгүй байгаа юм шиг санагддаг уу? Надад итгэ, ээж болгонд л тэгж санагддаг. Хүүхдээ харах хугацаанд хүүхдэдээ бүх анхаарлаа хандуулж, боломж гарвал амрах нь чухал ч, хүссэн зүйлээ хийхдээ цаг хугацаа алдахыг хүсэхгүй байвал “яаж ийгээд” амжуулдаг дараах аргуудыг бодолцоорой. 1. Унтлагын цагийг тултал нь ашиглаБи охиноо нялх байхад өдрийн унтлагын цагуудыг нь алдахгүйн тулд унтах цагийнх нь яг өмнөхөн өөрийнхөө ажиллахад шаардлагатай бүх зүйлийг бэлдэж тавьдаг байсан. Компьютерээ асаагаад, документ эсвэл файлаа нээгээд, дэргэдээ цай аягалж тавьж бэлдсэнийхээ дараа мөөмөө хөхүүлж эхэлнэ. Тэгээд унтмагц нь шууд ажилдаа орно. Энэ аргыг сайн хэрэгжүүлэхэд унтах цагийг тогтмолжуулах нь чухал. Тэгвэл яг хэдэн цагт zoom-call-д оролцохоо товлож чадна шүү дээ. 2. Хүүхдээсээ өмнө сэрШөнө унтахад нь эрт ч хамаагүй цуг унтаад, өглөө хүүхдээ сэрэхээс 1-2 цагийн өмнө сэрээд өөртөө болон ажилдаа цаг гаргавал зүгээр. Тэгж чадахгүй байвал орой эрт унтуулаад, шөнө хүртэл суух арга бас бий. Гэхдээ тэгэхээр ээжийн нойр солигдож, ядаргаанд орох сул талтай.&nbsp;Болж өгвөл өглөө хүүхдээсээ өмнө сэрэх сонголтыг хийгээрэй. 3. Өөр хүнд харуулах боломжийг бүү алд“Амжилттай ээж бүрийн цаана халамжтай хүүхэд асрагч байдаг” гэдэг хэлц бий. Миний хувьд тэр хүн нь манай ээж байсан. Долоо хоногийн амралтын 1-2 өдөрт охиныг маань харж өгдөг байсан учраас тэр өдрүүдэд хамгийн их анхаарал төвлөрөл шаардсан, том ажлуудаа төлөвлөж, хийж амжуулдаг байсан. Хэрвээ танд тийм хамтрагч байхгүй бол хүүхэд асрагч хөлслөхөөс бүү цааргалаарай. Хүүхдээ харангаа ажиллах гэж байгаа үед гадны тусламж заавал хэрэгтэй. Мөн өөр нэг гэрээсээ ажилладаг найзтайгаа долоо хоногийн нэг, нэг өдөр сөөлжилж, хүүхдүүдээ харалцаж болно. Нэг нь хоёулангийнх нь хүүхдүүдийг харж байхад, нөгөө нь ажлаа амжуулна гэсэн үг. Тэгвэл хүүхдэд ч play-date шиг сонирхолтой. 4. Заавал төлөвлөДээрх бүх зөвлөгөөг хэрэгжүүлэхийн тулд ажлаа төлөвлөх нь маш чухал. Ажиллах боломж “өдрийн од” шиг ховор олддог тул олдсон үед нь юу хийхээ, яаж хийхээ тодорхой мэдэж байхад тань төлөвлөгөө тусална. Учир нь бидэнд юу хийхээ шийдвэрлэх, ажлын “mood”-ээ орохыг хүлээж “тансаглах” цаг байхгүй. Долоо хоногоор нь эсвэл өдөр өдрөөр нь гээд яаж ч төлөвлөж болно. Хэзээ, юу хийх ёстойгоо мэдэж байвал ажиллах цаг гарахад шууд ханцуй шамлан ороход бэлэн байдаг. <img src="//:0">5. "Чимээгүй цаг"“Quiet time”-тай болоорой. Хүүхэд өдөр унтахаа больсон үед, бас ээжийнхээ хүсэлтийг ойлгодог болсон үед өдрийн унтлагын цагийг нь quiet time буюу чимээгүй тоглох цаг болгоорой. Хүүхэд / хүүхдүүд ном унших, puzzle, lego тоглох гэх мэтээр ээждээ саад бололгүй ганцаараа цагийг өнгөрүүлдэг тогтсон дэглэмтэй болвол зүгээр. 15 минутаар эхлүүлээд аажмаар хугацааг нь уртасгаж болно. Хүүхдээ хооллосон, хамтдаа тоглож, хичээллэж цагийг өнгөрүүлснийхээ дараа хэсэгтээ хэн хэнийгээ тайван орхих “quiet time” оруулаарай. 6. Гэрийн ажилд аль болох бага цаг зарцуулИнгэхийн тулд аяга таваг угаагч, робот тоос сорогч авахаас тээнэгэлзэх хэрэггүй. Сардаа нэг удаа гэр сайн цэвэрлэх үйлчилгээ хөлсөлсөн ч болно. Индүүдэх шаардлагагүй материалтай хувцаснууд авбал зүгээр. Хэрчиж хөлдөөсөн ногоо, чанартай хагас боловсруулсан бүтээгдэхүүнүүд авч хэрэглэж байж болно. Өдөрт заавал хоёр удаа хоол хийх хэрэггүй, өдрийн хоолоо ахиухан хийгээд орой нь гэр бүлээрээ эрүүлээр, хөнгөхөн хооллож болно. Долоо хоногийн хоолны төлөвлөгөөгөө гаргаад, нэг&nbsp;л удаа бөөнд нь хүнсээ цуглуулчих. Гэрийн ажлаас өөрийгөө чөлөөлөх боломж бүрийг ашиглаарай. Бүхнийг амжуулъя гэдэг хүн юуг ч амжуулдаггүй. <img src="//:0">7. Өдөрт хийдэг зүйлсээ нэг бүрчлэн ажиглаарайАль хэсгийг таниас өөр хүн ч хийж чадах вэ? Аль хэсэгт та хэтэрхий их цаг зарцуулдаг вэ? Аль алхмыг автоматжуулж эсвэл алгасаж болох вэ? Таны хүсэл мөрөөдөлдөө зарцуулах цагаас хумсалж байгаа зүйлсийг оноож, тэдгээрийг өөр хүнд даалгаж хуваарилах, outsourсing-оор шийдэх, автомат машинд даатгах зэргээр өөрөөсөө холдуул. Таны хувьд гэр бүлдээ болон ажилдаа зарцуулах “чанартай цаг” л хамгийн чухал. 8. Дэвтрээ бүү хурааТөлөвлөсөн ч түүнийхээ дагуу ажиллаж чадахгүй байна гэж хүмүүс хэлдэг. Өгч чадах ганцхан практик зөвлөгөө бол: ДЭВТРЭЭ ШИРЭЭН ДЭЭРЭЭ ДЭЛГЭЭТЭЙ БАЙЛГААРАЙ. Яг тухайн өдрийн төлөвлөгөөгөө нээгээд хажуудаа байлга. Бүү хаа, бүү ширээндээ далд хийгээрэй. Ер нь л үргэлж өөртөө ойр, нүднээ ил байлгаарай. Хувийн туслах шиг. Өөрчлөгдөх зүйлс мэдээж гарна, тийм үед дэвтэр дэлгээтэй байвал амжуулж чадаагүй ажлыг аль өдөр лүү хойшлуулах, яаж “хөөж барьж авах”-аа хүн төлөвлөж чадна. <img src="//:0">Бүх ээжид амжилт хүсье!&nbsp;&nbsp;

Би ээж-Би ингэж ажлаа амжуулдаг

Манай өдөр тутмын, долоо хоногийн төлөвлөгөөний хуудсууд бүгд тухайн өдрийн хамгийн чухал ажлуудыг тодорхойлоход чиглэсэн хэсэгтэй байдаг. Өнгөц харахад бүх ажил л чухал юм шиг санагдавч&nbsp;1. Өглөө босоход толгойд хадаатай байгаа, бодохоор л хиймээр санагдаж буй ажил2. Дараа дараагийн олон ажлыг хялбарчлахад чиглэсэн ажил3.Голдуу хамгийн яаралтай биш хэрнээ хийчихвэл хамгийн том юм гараас гарах ажил4.Таны энэ сарын, энэ жилийн зорилгод чиглэсэн ажлыг онцлон өглөө эрт гялс ханцуй шамлан хийж байгаарай."Үнэндээ хийхгүй байсан ч яах ч үгүй ажлыг маш үр дүнтэй хийх шиг цагийн гарз үгүй" -Питер Дракер #tinabeltip

“MIT" буюу Хамгийн чухал таск гэж юу вэ? 

Танд энэ шинжүүд байвал share хийгээрэй . Таньдаг төлөвлөгчдөө mention хийгээрэй. 1. Толгойд нь олон, олон бодол санаа байнга эргэлдэж байдаг2. Амлалтандаа хүрдэг3. “Урсгалаараа” явах дургүй, харин өөрөө сэлүүрдэж чигээ тогтоох дуртай4. Тодорхойгүй, ойлгомжгүй, яах гээд байгаа нь мэдэгдэхгүй зүйлсэд мөн л дургүй5. Чөлөөт цагаараа яг дуртай зүйлээ хийхээр төлөвлөдөг, тиймээс завтай үедээ ч завгүй байдаг6. Чухал зүйл л биш бол, гэв гэнэтийн саналуудад тийм ч дуртай биш7. Дээрх шалтгаануудаас болоод тэд бусад хүмүүст хааяа ядаргаатай санагддаг8. Гэхдээ л түүний төлөвлөгөө эргэн тойрных нь хүмүүст ч тус болдог.

Төлөвлөдөг хүмүүсийн 8 нийтлэг шинж

(Хувийн туршлага дээр үндэслэв) Дөнгөж сая ирэх 7 хоногоо сайхан төлөвлөчихөөд сууж байна. Би Ням гаригт дараа долоо хоногийнхоо ерөнхий төлөвлөгөөг гаргадаг зуршилтай. Даваа гаригийн өглөө болмогц л юу хийхээ мэдэж байхын тулд, цаг алдалгүй ажилдаа орохын тулд Ням гаригт төлөвлөх нь хамгийн тохиромжтой байдаг. Хэдий би тийм ч төгс гарамгай төлөвлөгч биш боловч ажил, хичээлийн шинэ улирал эхэлж байгаа энэ үед, төлөвлөх хоббитой хүний хувьд бүх хүнд тохирдог цөөн хэдэн зөвлөгөөг хүргэе.1. Brain Dump-Тархиа хоослоӨдрийн, долоо хоногийн, аливаа нэг төслийн, ажлын гээд юуны ч төлөвлөгөөг гаргахдаа эхнээс нь цэгцтэй бодох гээд хэрэггүй. Тархин дотроо эмхэлнэ гэдэг боломжгүй. Толгойдоо байгаа бүх ажил, таск, санаагаа хогийн сав руу асгаж байгаа мэт цаасан дээрээ асгаад, дараа нь тэднийгээ тухтайхан ангилж эрэмбэлж байгаарай.2. 7 хоногийн төлөвлөгөө хамгийн чухалХүний ажил хэрэг тархин дотор 7 хоногоороо багцлагдсан байдаг юм шиг санагддаг. Сар, жилийн төлөвлөгөө мэдээж чухал боловч дэндүү хол, зөвхөн ерөнхийлөн гаргах л боломжтой. Дан өдөр өдрөө төлөвлөөд явна гэвэл хүн зөвхөн урд байгаа, яаралтай, гал унтраах ажлуудаа л хийгээд тайвшраад байдаг сул талтай. Ингэвэл урдах замаа л харж явсаар, хаашаа явж байгаагаа дундуур нь мартах аюултай юм. Тиймээс 7 хоногоор заавал төлөвлөж, арай өргөн дүр зургаар нь харж байгаарай!3. Дөнгөж эхэлж байгаа бол to-do-ээс эхлэШууд эхлээд цагийн хуваарьтайгаар төлөвлөж эхлэхэд дарамттай санагдах тал бий. Тэгээд дарамттай санагдаж эхэлмэгц нь төлөвлөхөө больчихдог. Тиймээс урьд нь зөвхөн толгойндоо найдаж байгаад одоо л төлөвлөж сурах гэж байвал эхлээд зүгээр л To-do list гаргаад түүнийгээ дараад байгаарай. Яваандаа тэр нь хангалтгүй санагдаж, илүү эрэмбэ дараатай байхыг хүсээд эхлэх цагт цагийн хуваарь гаргаж болно. Эсвэл зөвхөн цагт мэдрэмтгий ажлаа л цаг дээр бичээд, үлдсэнийг нь to-do дарах хэлбэрээр хөтөлж болно.4. Нэг төрлийн ажлыг нэг дор хийхЖишээ нь, утас, и-мейл, фб чатанд байнга хариулах ажилтай хүмүүс өдөржингөө тэрэндээ хариулсаар байгаад ажлын цагаа дуусгачихдаг. Тэгээд гол, урагшлах ажлуудаа хийж чадахгүй байх нь бий. Нэг төрлийн ажлыг нэг дор хийхээр төлөвлөөрэй. Энэ бол энгийн бөгөөд классик зөвлөгөө юм. Тогтмол чатаа шалгах шаардлагатай бол цаг бүрийн эхний 5-10 минутыг зориулаад дундуур нь бусад чухал ажлаа хийхээр төлөвлөж болно.5. Гаргасан төлөвлөгөөтэйгөө хамтран ажиллаЗарим хүн төлөвлөх дуртай хэрнээ төлөвлөгөөгөө биччихээд тэрийгээ эргэж сөхөж хардаггүй сул талтай байдаг. Энэ нь ажилтан авчихаад ажлыг нь хийлгэхгүй байгаатай адил юм. Ажил хийх болгондоо төлөвлөгөөгөө харж, check хийж, өөртөө эргэн сануулж байгаарай. Мөн төлөвлөгөө чинь таны төлөө ажиллах ёстой болохоос, та төлөвлөгөөнийхөө төлөө ажиллах ёсгүй гэдгийг үргэлж сана.6. Үүрэг бүрээр ажлуудаа гаргаж туршиж үзБид бүгд нийгэмд олон үүргийг зэрэг хүлээдэг. Төлөвлөгөө ганцхан нэг үүрэг дээр л төвлөрвөл тэнцвэр алдагдах магадлалтай. Жишээ нь, манай найз яг одоо өөрийн сургалтын төвийн багш, 2 хүүхдийн ээж болон эхнэр, олон улсын тэмцээний оролцогч гэсэн үүргүүдийг хүлээж байна. Долоо хоногийн төлөвлөгөө гаргахдаа тухайн үүрэг бүрийн хувьд ямар зорилгуудыг биелүүлж, ямар таскыг гүйцэтгэх ёстойгоо биччихвэл аль нэгийг нь орхигдуулах алдаа гардаггүй.Давхар сурах, давхар ажиллах, нэг дор хэд хэдэн төсөл хариуцах гэдэг өнөөгийн залуусын хувьд түгээмэл болсон. Ийм үед үүрэг тус бүрээр нь ажлуудаа гаргаж төлөвлөх нь үнэхээр тустай байдаг шүү. Бас зөвхөн ажлаа л төлөвлөх ёстой биш, хувийн амьдралаа ч бас төлөвлөж байгаарай.7. Эрэмбэ дараа!Төлөвлөгөө гэдэг зүгээр л мартахаас сэргийлэн бичдэг хэрэгсэл биш юм. Мөн төлөвлөгөө таныг “ажлын мал” болгох ч ёсгүй. Харин ч сайн төлөвлөгөө таны ажил амьдралын тэнцвэрийг хангаж өгдөг. Төлөвлөхдөө чухал ажлуудаа заавал ялгаж байгаарай. Өнөөдрийн хамгийн чухал 3 зорилго, энэ долоо хоногийн хамгийн чухал 3 зорилго, энэ сарын хамгийн чухал 3 зорилгуудыг гаргаж байвал сайн. Чухал ажил гэж юу вэ? Бусад ямар ч ажлыг хийж амжаагүй байсан ч зөвхөн тэр зорилгуудыг л биелүүлсэн бол үр дүнтэйд тооцож болох тийм ажлыг “чухал” гэнэ. Өглөө сэрэхэд толгойд хадаастай сэрсэн ажлыг “чухал” гэнэ. Дараа дараагийн ажлуудыг хялбарчилж чадах ажлыг “чухал” гэнэ.8. Эцэст нь зүгээр л төлөвлөөд байБүтэлгүйтсэн үед аргаа өөрчлөх ёстой болохоос зорилгоо өөрчлөх ёсгүй гэдэг үг байдаг. Хүмүүс төлөвлөгөө нь өөрт нь таарахгүй байгаа юм шиг санагдахаараа төлөвлөхөө больчихдог. Харин түүний оронд яг яаж өөрчилвөл хамгийн үр дүнтэй байхыг олохын тулд тасралтгүй төлөвлөсөөр, зассаар, сайжруулсаар байх хэрэгтэй юм шүү. Хийгээд л байвал өөртөө таарах арга барилыг олж л таараа.

Цаг төлөвлөлтийн талаар 8 богино, бодитой зөвлөгөө

"Ихэнх яаралтай ажил чухал биш байдаг, ихэнх чухал ажил яаралтай биш байдаг." -Dwight D. EisenhowerАмерикийн 34 дэх Ерөнхийлөгч, Дэлхийн II дайны үед ард түмнийхээ хайр хүндлэлийг хүлээсэн эрхэм генерал Dwight D. Eisenhower нь жинхэнэ чадварлаг удирдагчийн зэрэгцээ гайхалтай менежэр байсан гэдэг. Түүний асар их стресс дунд ажлаа амжилттай зохион байгуулдаг байсан зарчмыг Eisenhower's matrix хэмээн нэрлэдэг ба цагийн менежментийн шалгарсан шилдэг арга барилуудын нэгт тооцдог.&nbsp;Түүний арга барилыг Стефен Ковей улам боловсруулан тайлбарлаж 7 habits of highly effective people номондоо оруулсан байдаг.&nbsp;Энэ нь зарчмын хувьд ердөө л чухал ба чухал бус ажлын эрэмбэ дарааны тухай юм. Тогтмол арчлах, тордох, бэлдэх, төлөвлөх, сайжруулахтай холбоотой бүх ажил чухал атлаа ихэвчлэн цаг тулаагүй, яарах шалтгаангүй байдаг. Харин жижиг сажиг процессын ажлууд тийм ч чухал биш атлаа яаралтай байдаг. Яаралтай бус чухал ажлыг сайн хийх тусам яаралтай ажил багасдаг гэдгийг дэвтрээ хөтлөхдөө үргэлж санаарай.

Яаралтай ба чухал ажлын алийг нь түрүүлж хийх вэ?

1. Та феминист бөгөөд “бүтэн цагийн” гэрийн эзэгтэй байж болно. Гэрийн эзэгтэй байх нь таны хувьд эрхэлдэг ажил мэргэжил чинь ч байж болно. &nbsp;Феминист байлаа гээд заавал дарга, ceo, карьер өндөртэй байх албагүй. Харин өөрийн сонгосон, хүссэн амьдралын хэв маягаар, хохирохгүй амьдарч байгаа эсэх нь л чухал юм.&nbsp;2.	Та феминист бөгөөд эмэгтэйлэг байж болно. Феминист байх нь гоё чамин зүйлд дурлах ёсгүй гэсэн үг ердөөсөө ч биш. Даашинз өмсөж, толгойноосоо хөл хүртлээ ягаанаар хувцаслаж, нүүрээ тултал нь будаж, эсвэл будахгүй байж болно. Бас зөөлөн ааштай, эелдэг, даруу байж болно.&nbsp;3.	Та феминист бөгөөд эмзэг дэлбээ байж болно. Феминистүүд өдөр болгон хүчирхэг, чанга байж, будаа болгоно гэсэн үг биш.&nbsp;4.	Феминист байх нь эрэгтэйчүүдэд дургүй, тэднийг нухчин дарах хүсэлтэй байна гэсэн үг бүүр ч биш. Феминизм бол хүйсүүдийн хоорондын дайн огт биш юм. Хэрвээ нэг эмэгтэй нэг эрд дургүй байвал тэр нь “Феминист учраас” биш тэр хүн “Хүчирхийлэгч, ёс зүйгүй, сексист, мисожинист, шударга бус байсан учраас” юм.&nbsp;5.	Жинхэнэ эрчүүд харин ч феминист байдаг. Учир нь феминизм “эрэгтэй хүн уйлдаггүй”, “эрчүүд ягаан өнгө өмсөж болохгүй”, “эр хүн шиг бай” зэрэг хортой стереотипүүдийг халахад ч бас нөлөөтэй. Эмэгтэй ажилтнууддаа адилхан цалин олгодог, өөрөөсөө илүү ухаантай, ур чадвартай бүсгүйг өргөж дэмждэг, эхнэртээ ижил тэгш боломж бас сонголт олгодог, охиноо хүндэлж эрх чөлөөтэй өсгөж байгаа бүх эрчүүд феминист билээ.&nbsp;Та өөрийгөө “хүн” гэж боддог, бусдыг бас өөртэйгөө адилхан “хүн” гэж боддог, шударга ханддаг л бол та феминист юм шүү! Феминист байдагт баярлалаа.Олон улсын эмэгтэйчүүдийн баярын мэнд хүргэе! 🌺

Жинхэнэ эрчүүд феминист байдаг буюу Феминизмийн тухай таны мэдвэл зохих 5 зүйл

Өнөөдрийн хичээл маань:&nbsp;1. Дадал бүтээхэд саад болдог 2 шалтгаан2. Дадал бүтээх 4 зарчим гэсэн хоёр хэсгээс бүрдэнэ.&nbsp;Ажил хийж эхэлсэн хүн болгон л ямар нэг байдлаар төлөвлөх оролдлого чийсэн байдаг. Зарим нь тэрхүү оролдлогоо үргэлжлүүлсээр, өөрийн гэсэн дадал болгож хадгалсан байдаг бол зарим нь оролдож эхлээд дундаас нь орхисон байдаг. Төлөвлөгөөний талаар номнууд ч уншиж судалсан байдаг, олон дэвтэр авч үзсэн, хэд хэдэн апп ч гэсэн татаж үзсэн, ер нь янз бүрээр оролдож үзсэн хэрнээ одоо ч гэсэн төлөвлөх дадалтай болж чадаагүй хүмүүс олон байдаг. Тэр хүмүүс маань яадаг вэ гэхээр үе үе ажлууд нь гэнэт ихсээд ирэхээр өмнө нь дутуу хэрэглэсэн дэвтрүүдээ гаргаж ирж хэсэг хэрэглээд эргээд замхрах нь түгээмэл. &nbsp;Уг нь бол төлөвлөх чухал гэдгийг мэддэг, бас төлөвлөх аргуудыг мэддэг, төлөвлөдөг хүмүүс амжилт гаргаж чаддаг гэдгийг мэддэг ч гэсэн ийм байдаг гэхээр дадал бүтээхэд зөвхөн арга барилуудыг мэдэх нь магадгүй хангалтгүй болж таарч байна.&nbsp;Дадлыг бий болгох тулд үүнээс өөр юу хэрэгтэй вэ? Эхэндээ идэвхтэй төлөвлөж байгаад дундуур нь замхарчихдаг хэлхээг яаж таслах вэ? Гэдэг асуултанд бүгдээрээ хариулт өгөх гэж оролдъё.&nbsp;Миний ажиглаж анзаарснаар манай нийт худалдан авагчдын барагцаалбал 20 хувь орчим нь авсан дэвтрээ дуусгадаггүй. Өөрөөр хэлбэл төлөвлөх дадлыг бий болгож хараахан чаддагүй гэсэн үг. Гэхдээ үүгээрээ би гэмшүүлэх гэж байгаа юм биш шүү, яагаад гэвэл төлөвлөх дадлыг бий болгох нь тийм алга урвуулахын хооронд болдог зүйл биш гэдгийг би өөрөө мэднэ. &nbsp;Гэхдээ хүнд хэцүү зүйл мөн үү гэвэл бүр биш. Харин хүмүүс маань буруу цэгээсээ эхлээд байгаа юм шиг санагддаг.&nbsp;-Төлөвлөх дадал нь яг л арьсаа арчлах, усаа уух, дасгалаа хийх, эрүүл хооллох зэрэг бусад дадалтай адил зарчмаар бидний амьдралын хэв маягт суудаг. Аа тэгээд бусад дадал бүтэлгүйтдэгтэй адилхан зарчмаар бүтэлгүйтдэг. Бид бүгд эрүүл хоол гэж юу байдгийг мэддэг ч цөөн нь л эрүүл хооллодог. Хогоо ангилах нь чухал гэдгийг хүн болгон мэддэг ч цөөн хүмүүс л үүнийг хэрэгжүүлдэг. Үүний адилаар, аливаа дадлыг бий болгоход зөвхөн мэдэх нь хангалттай байдаггүй байх нь.&nbsp;Эхлээд төлөвлөх дадал яагаад бүтэлгүйтдэг талаар өөрийнхөө бодлоор ярья гэж бодож байна. Голлон анзаарагдсан 2 шалтгаан байдаг:&nbsp;Нэгдүгээрт шалтгаан нь: Шууд төгс төлөвлөгч болох гэж оролдох&nbsp;Шинэ дадлыг сонгож байгаа хүний гаргадаг нийтлэг алдаа нь эхлээд маш их сэтгэл хөдлөлтэйгөөр, цоо шинээр төрж байгаа юм шиг л төгс хэрэгжүүлэх гэж хичээдэг. Турах гэж байгаа хүн бол гурил будаагаа огцом хасаж эхэлдэг, гэнэтхэн өдөр бүр 2 км гүйдэг ч юм уу. Үүн шиг төлөвлөж сурах гэж байгаа хүн гэнэтхэн л бүх ажлаа нэгд нэггүй хуваарьт оруулаад яс төлөвлөх гэж оролддог.&nbsp;Харамсалтай нь, тэрхүү эхний мотивац хүчтэй эхэлсэн шигээ хүчтэй унах магадлал ихтэй байдаг. Хэсэг хугацааны дараа төлөвлөсөн ажлууд нь төлөвлөсний дагуу болохгүй үед шантрах мэдрэмж төрж, шантрах мэдрэмжтэйгээ хэсэг тулалдаад дийлдэх нь элбэг. Анхнаасаа төгс хийх гэж оролдохын хамгийн хорлонтой нь ахин эргэж харахгүйгээр шантрах магадлалтай байдаг.&nbsp;Гэтэл бид нар цоо шинээр төрөөгүй учраас өмнө байсан хуучин дадлууд маань, өөрөөр хэлбэл төлөвлөхгүйгээр аясаараа ажиллаад сурчихсан бие махбодь, тархи яг хэвээрээ л байгаа.&nbsp;Хоёрдугаар шалтгаан бол: Үр дүн хүлээх&nbsp;Бид ихэвчлэн аливааг хийхдээ үр дүн дээр нь төвлөрч сурсан байдаг шүү дээ. Төлөвлөөд эхлэхээр маш гоё цаг завтай болж, амьдралынхаа эзэн мэт санагдана гэсэн үр дүн хүлээдэг. Мэдээж удаан хугацааны дараа, нэг л мэдэхэд тийм үр дүн гарах ч гэсэн дадал зуршлыг ямар нэг зорилгын төлөө хандлагаас эхлүүлэх нь өөрөө учир дутагдалтай. Учир нь дадал болгон хэв маяг, тогтмол хэвшил болохоос хүрэх цэг биш юм.&nbsp;Үрчлээ арилгах гэж арьсаа арчилдаг болох, турах гэж эрүүл хооллох, машин авах гэж хуримтлал үүсгэх, карьерээ өсгөх гэж төлөвлөх гээд бүгд зөв зүйтэй боловч эхний үед л үр дүнтэй боловч удаан хугацаанд хэрэгжүүлэх үндэс болдоггүй. Учир нь дадлын мөн чанар нь өөрөө зорилго биш хэвшил байдаг. Шүдээ угаахдаа бид 60 насалсан ч танан цагаан шүдтэй байна гэж бодож угаадаггүй. Харин угаагаад дадчихсан болохоор л угаадаг. Түүн шиг төлөвлөөд сурчихсан, энэ нь амьдралын нэг хэсэг болохоор л төлөвлөдөг байх нь чухал юм.Одоо дадал бий болгох системийн талаар ярья. Дадлыг бий болгоход хамгийн зөв системийг Атомик Хабит буюу монгол хэл дээр Энгийн дадал хэмээн орчуулагдсан номон дээр бичсэн байдаг.&nbsp;1. Make it obvious Илэрхий болго&nbsp;2. Make it attractive Сэтгэл татам болго&nbsp;3. Make it easy Амархан болго&nbsp;4. Make it satisfying Сэтгэл ханамжтай болго&nbsp;Энэ 4 зарчмын талаар нэг нэгээр нь илүү дэлгэрэнгүй авч үзэцгээе.&nbsp;1. Make it obvious Илэрхий болго&nbsp;Та дэлхийн хамгийн гоё төлөвлөгөөг гаргасан байлаа ч тэр нь шүүгээнд чинь байвал хэнд ч хэрэггүй. Төлөвлөх дадлын хамгийн наад захын алхам бол дэвтрээ дэлгээтэйгээр нь ширээн дээрээ байлга. Нүднээ ил, гарын дор зүйлийг бид шүүрч авдаг. Тиймээс ч ус уумаар байвал устай саваа өрөөний голд тавь. Йог хиймээр байвал йогийн дэвсгэрээ хураалгүй ил байлга. Ном уншмаар байвал хаа сайгүй ном тавь.&nbsp;2. Make it attractive Сэтгэл татам болгоБид аливаа дадлыг бүтээхдээ өөртөө шийтгэл оногдуулж байгаа юм шиг хийх гэж оролдох нь түгээмэл. Хиймээр байгаа болохоор биш харин хийх ёстой болохоор гэсэн сэтгэлзүйгээр хийдэг. Гэтэл бид байгалиасаа шийтгэлд дуртай амьтад биш шүү дээ. Таны төлөвлөх үйл явц тун таатай, урамтай, үзэмжтэй, амттай байх ёстой. Өөрөөр хэлбэл таны мэдрэхүйг шагнаж байх ёстой. Тиймээс магадгүй маш гоё төлөвлөгөөний дэвтэр, гоё үзэг, стикер зэрэг зөв хөрөнгө оруулалт юм. Бас төлөвлөх үедээ гоё хөгжим тавих, лаа асаах, дуртай кофегоо уух зэргээр төлөвлөх үйл явцаа сэтгэл татам болгоорой. Ямар нэг хийх дуртай зүйлтэйгээ хийх ёстой зүйлээ хамтатгаж, хослуулах нь шинэ дадхлд нэн тустай.&nbsp;3. Make it easy Амархан болго&nbsp;Дадал бүтээнэ гэдэг маш их зориг, тэвчээр, сэтгэлийн тэнхээ, чадвар шаардана гэж боддог. Ингэж бодох нь дадал бүтэлгзйтэх, буруу цэгээс эхлэх бас нэг шалтгаан юм. Яг энэ шалтгаанаас болж хүмүүс гэнэт мундаг төлөвлөгч болох гэж хэсэг оролдоод бууж өгдөг. Амархан болгох хуулийн хувьд: Бүр татгалзаж чадахааргүй тийм хялбархан болго гэж зөвлөдөг. Өдөрт 50 суниана гэдэг дадлаар эхлээд түүнийг удаан хугацаанд хадгалж чадах нь юу л бол, харин 5 суниана гэвэл хадгалахаар барахгүй тоогоо ихэсгэсээр 50 болгох боломжтой. Өдөрт 20 ажил бичээд дарах гэж, 20 20 минутаар нь ажлаа хуваарилж өөрийгөө шахах гэж стрессдэх хэрэггүй. Өдөрт 3-хан ажил жагсаагаад дараад үз. Дараа нь тоог нь нэг нэгээр ихэсгээд бүтцийг нь сайжруулаад яваарай. Хичээл зүтгэл хамгийн бага гаргах аргаас эхэлж, тууштай хий.&nbsp;4. Make it satisfying Сэтгэл ханамжтай болго&nbsp;Хүн зөвхөн сэтгэл ханамжтай дадлыг л тууштай үргэлжлүүлдэг. Төлөвлөх дадлыг яаж сэтгэл ханамжтай болгох вэ? Бүх ажлаа төлөвлөсөн ёсоор хийсний дараа өөрийгөө драманы нэг ангийг үзэх эрхээр шагна. Амжилттай төлөвлөсөн 7 хоногийн төгсгөлд амралтын өдрийн сул, чөлөөтэй цагуудаар өөрийгөө шагна. Шагналаас гадна дадал мөрдөгч дээр бичиж дарах нь сэтгэл ханамжийг нэмэгдүүлдэг. Төдөвлөр дадлыг habit track хийгээд үзээрэй&nbsp;Энэ жил таны өөртөө зориулж хийх зүйл “төлөвлөх дадлыг суулгах” байг. Төлөвлөж эхлээд юу юуг амжуулж чадахаа, нөөц бололцоогоо хараарай.&nbsp;Маргаашийн хичээл: GTD системийн тухайЗүрх дарж хичээлээ уншсанаа мэдэгдээрэй. Share хийж өөр хэрэгтэй хүнд хүргээрэй..

Төлөвлөх дадлыг хэрхэн бий болгох вэ? 

Технологи, Төлөвлөгөө, Teamwork/Туслалцаа гурвын аль нь танд хэрэгтэй байна вэ?&nbsp;Хэрвээ та өөртөө бүтээмж муутай санагдаж байвал танд дараах мэдрэмжүүдийн аль нэг нь эсвэл бүгд төрж байж таараа:&nbsp;-Үргэлж завгүй, өдөржин ямар нэг юм хийдэг ч орой болоход онцын чухал юм юу ч хийгээгүй байдаг. Энийг ч, тэрийг ч хийх ёстой гэж байтал өдөр дуусдаг. Яг хүссэн зүйлдээ, мөрөөдөлдөө эсвэл гэр бүлдээ цаг гаргаж чаддаггүй.&nbsp;-Цагаа дэмий юманд хэт их зарцуулаад байгаа юм шиг, төвлөрч суух “онгод” орохыг хүлээж өдрийг бүтээмжгүй бардаг.&nbsp;-Яг юуны төлөө, хаашаа чиглэж, юунд зорихоо ойлгохгүй байгаа. Эсвэл мартсан.-Зорилгоо ч, юу хийх ёстойгоо мэддэг, ар араас нь зогсолтгүй хийсээр яваа ч ажил барагддаггүй. Өөрийгөө гурав хуваах юмсан гэж боддог.&nbsp;Дээрх мэдрэмжүүдээс болоод та өөртөө яг нэг дороо эргэлдсээр байгаа, дамартай усан хулгана шиг санагддаг бол өөрөөсөө “Надад 3T-ын аль нь дутагдаж байна вэ?” гээд асуугаад үзээрэй.&nbsp;<blockquote>Надад технологи дутагдаад байна уу?</blockquote>Бүтээмжийг технологиор шийдэж болно. Хүн төрөлхтөн анх үүссэн цагаасаа эхэлж үүнийг хийсээр ирсэн. Хавтгай чулуугаар ан хийхэд өдөрт ганц л олзтой харих бол чулууг иртэй болгож зүлгэснээр өдөрт гурван олзтой харих боломжтойг олсон. Ачааныхаа доор дугуй хийвэл хурдан өнхрөхийг бодож олсон. Тэр цагаас өдийг хүртэл мянга мянган технологи бидний цагийг хэмнэж, ажлыг хялбарчилж, хурдыг нэмж байгаа билээ. Харин та өөртөө хэрэгтэй технологийн шийдлийг ашиглахгүй, анзаарахгүй байгаа юм биш биз?&nbsp;Ихэвчлэн “гүехэн ажлууд” буюу заавал та хийгээд байх шаардлагагүй, өдөр бүр давтагддаг, таны онцгой ур чадвар шаардахгүй ажлуудыг технологиор амархан шийдэж болдог. Миний хийдэг зүйлсээс автоматжуулж болох зүйл юу байна вэ гээд хараад үзээрэй. Жишээнүүд:&nbsp;-Хамаг цагаа гэрийн ажилд үрчихдэг бол: робот тоос сорогч, робот шал угаагч, аяга таваг угаагч, хатаагч гэх мэтэд гар таталгүй хөрөнгө оруулвал та цаг хугацааг худалдаж авч байгаагаас ялгаагүй-Жижиг бизнес эрхлэгч нар захиалга, хүргэлтээ бүртгэсээр хамаг цагаа авдаг бол: Цаанаасаа захиалгын лист үүсгээд өгдөг вебтэй болох-Ажилдаа хэрэгтэй орчуулгыг хийх гэж хамаг цагаа авдаг бол: Google translate үнэхээр сайжирсан учраас түүнийг ашиглаж орчуулаад, дараа нь алдааг нь хянахад 3 дахин бага цаг зарцуулагдана. Гэрээ, бичвэрийн алдааг хянахад их цаг зарцуулдаг бол эргэлзэх юмгүй үг үсэг, дүрмийн алдаа хянадаг програм худалдаж ав.&nbsp;-Нэхэмжлэх бичих, имэйлээ шүүх ялгах, дата цуглуулах, орлого зарлагаа хянах гэх мэт олон ажлуудыг шийддэг аппликейшн, програм, төхөөрөмж, хэрэгслүүд үүссэн байдаг. Өөрийнхөө өдөр бүр хийдэг зүйлсийг ажиглаад хараад, эндээс автоматжуулж болох зүйл юу байна вэ гэдгийг олоорой.&nbsp;<blockquote>Надад teamwork/туслалцаа дутагдаад байна уу?</blockquote>Бүтээмжийг туслалцаагаар шийдэж болно. Хүлээн зөвшөөрөхгүй байж болох ч, таниас өөр хүн хийчихэж болох ажлуудад та алтан цагаа гарздаад байж магадгүй. Энэ нь таны бүхнийг өөрийн гараар төгс хийх гэсэн хүслээс болдог байж мэднэ, эсвэл бусдад даалгаад буруу хийчихдэг учраас харин ч цагийн гарз гэж бодогдож магадгүй. Гэхдээ та биеэ хэд хэд хуваамаар санагддаг бол өөртөө туслалцаа/баг хэрэгтэй гэдгийг хүлээн зөвшөөрч, өөр хүмүүст эсвэл outsourcing-д ажлынхаа 50%-ийг даатгаарай. Тэд таниас ч илүү хийж магадгүй.&nbsp;Хүүхэд асрах үйлчилгээ, гэр цэвэрлэх үйлчилгээ, сошиал медиа маркетингийн компани, сайн менежер, сайн туслах, сайн борлуулагч гээд танд аль нь хэрэгтэй байна вэ?Нөгөө талаараа, зөвхөн аахар шаахар ажлуудыг туслалцаагаар шийдэх биш, таны ажлын том зорилгуудыг бүтээлцэхэд ч бас туслалцаа хэрэгтэй байж мэднэ. “Synergetic” буюу 1+1=3 болгох, танд байхгүй давуу талыг өгч чадах хэн нэгэнтэй хамтарвал зорьсон төлөвлөсөн ажлууд гэрлийн хурдаар урагшлах болно. Таны урдаа тавьж буй зорилго юу вэ? Үүнд хэнтэй хамтарвал synergy буюу илүү ашигтай нэгдэл үүсэх вэ гэж бодоод үзээрэй.&nbsp;<blockquote>Надад төлөвлөгөө дутагдаад байна уу?</blockquote>Бүтээмжийг төлөвлөгөөгөөр шийдэж болно. Өмнөх хоёр шийдлээс ялгаатай нь энэ хэсэгтэй та өөрөө биечлэн тулж ажиллахаас өөр аргагүй. Зорилго тавьж түүндээ чиглэж ажилладаг, хариуцлагатай, цагийн менежменттэй байх нь таны амьдралын бүтээмжид нэн шаардлагатай soft skill буюу зөөлөн ур чадвар юм. Төлөвлөх, төлөвлөснөө биелүүлэх дадал нь таны олноос ялгарах онцгой ур чадвар ч болж болно. Яг ийм энгийн чадвартай хүн тийм ч элбэг байдаггүй юм шүү.&nbsp;Зүгээр хийх, бичээд төлөвлөөд хийх хоёр юугаараа ялгаатай юм бэ гэж та асууж магадгүй:&nbsp;1.	Төлөвлөх оролдлого хийснээр зорилгоо эргэн санадаг эсвэл тодорхойлдог.&nbsp;2.	Төлөвлөгөөгүй үедээ хүн зөнгөөрөө л ажилладаг. Энийг ч, тэрийг ч барьж авч хийсэн ч том зургаар нь харалгүй, амжихгүй байна гэх шалтгаанаар чухал зүйлсийг өнгөрөөх нь бий. Төлөвлөсөн үедээ хүн зорилготой ажилладаг. Тавьсан зорилгодоо ойртуулах task-уудыг ухамсартайгаар сонгон авч төлөвлөгөөндөө оруулдаг. Зүгээр л зөнгөөрөө, өлсөхөөрөө таарсан зүйлсээрээ хооллох, эрүүл байх зорилготойгоор хүнсээ сонгож хооллох хоёр хэр их ялгаатай байдаг билээ? Үүнтэй зарчмын хувьд адил юм.&nbsp;3.	Төлөвлөснөөр өдрийн төгсгөлд цагаа юунд зарцуулж байгаагаа ажиглах боломж олддог. Тиймээс чухал ба чухал бус ажлуудыг ялгаж, алийг нь түрүүлж хийх, алийг нь заавал хийх, алийг нь хийхгүй орхих эсвэл өөр хүнд даалгаж болохоо эрэмбэлж сурна.&nbsp;4.	Төлөвлөснөөр хүн төвлөрч суух, тухтай бодож шийдэл олох, судлах зэрэг цагуудыг өдрийнхөө хуваарьт багтааж чадна. Тэдээс тэдэн цагийг яг тэр ажилд focus хийнэ гэдгийг төлөвлөхгүй бол нэг л мэдэхэд ийш тийш утасдаж, чаталж, имейл бичиж байтал өдөр хоног урссан байдаг.&nbsp;5.	Төлөвлөснөөр хүн төстэй ажлуудыг өдрийн, долоо хоногийн олон цагт тарааж байрлуулахгүйгээр багцлаад нэг дор хийж сурна.&nbsp;6.	Төлөвлөснөөр та яаралтай, гэнэтийн ажил, бусдын шаардлагын эрхшээлд байхаа болино. Та өөрийн болон бусдын цагийг үнэлж, хүндэлж сурна.&nbsp;7.	Төлөвлөснөөр ойрын болон холын ирээдүйд ирэх эрсдлийг урьдчилан харж, түүнд бэлдсэнээр аюулаас зайлсхийх боломжтой.&nbsp;8.	Хамгийн наад зах нь төлөвлөгөө хүнд товлосон цагаа мартахгүй байх, ямар нэг ажлыг санаандгүй орхихгүй байх, өгсөн амлалт, тохирсон хугацаандаа тааруулж ажлуудаа хуваарилах боломжийг олгодгийг бид бүгд мэднэ.&nbsp;Хэрвээ та хамгийн анх удаа, одоо л дэвтэр авч, төлөвлөж эхлэх гэж байгаа бол:&nbsp;-	Эхлээд зүгээр л хийх ёстой зүйлсээ мартахгүй байх зорилготойгоор to-do list гаргаад, түүнийгээ чагтлаад хэсэг явж үзээрэй. Хамгийн түрүүнд зөв, дүнтэй төлөвлөхөөс илүү төлөвлөх дадалтай болох нь чухал.&nbsp;-	Мартаж, санахгүй байх зорилгодоо хүрсний дараа хэдэн долоо хоногийн турш бичсэн зүйлсээ уншаад юунд хамгийн их цаг зарцуулж байгаагаа тогтоогоорой. Тэр ажил таны анхаарал зайлшгүй шаардах, чухал ажил мөн үү? Таны хүсэл мөрөөдөлд ойртуулж байна уу?-	Дараа нь, чухал бус гэж үзсэн ажлуудаа өөрөөсөө яаж чөлөөлөх талаар бодоорой. Мөн чухал ажлуудаа өглөө хамгийн түрүүнд хийхээр оруулж төлөвлөөрэй. Өдөр өдрөөр нь биш долоо хоногоор нь төлөвлөж, тухайн долоо хоногоо хэрхэн өнгөрөхийг урьдчилан төсөөлж, инженерчилж, загварчилж буй мэт төлөвлөөрэй.&nbsp;Сайн төлөвлөж сурвал таны ажил амьдрал “найрал дуу” мэт хоорондоо хоршиж, таны ямар ч ажлууд бие биетэйгээ давхцахгүй, харшилдахгүй, зорилго руугаа саадгүй өнхрөх болно. Төлөвлөгөө бол ирээдүйгээ “зөгнөх” хамгийн бодитой арга билээ.&nbsp;Өнөөдрийн хичээл нэлээд үндсэн, интро хичээл байлаа. Маргааш “Төлөвлөх дадлыг хэрхэн бүтээх вэ?” буюу хааяа төлөвлөөд, хааяа болиод байдаг зангаа больж тууштай дадалтай болох талаар хичээл бий.&nbsp;Зүрх дарж хичээлээ уншсан гэдгээ мэдэгдээрэй. Дээрх мэдээлэл өөр хэн нэгэнд хэрэгтэй санагдсан share хийж түгээгээрэй.

#1 Бүтээмжийг шийддэг “3T”

Өнөөдрийн хичээл хэнд зориулагдсан бэ?&nbsp;•	Өдөржингөө “гал унтраах” ажил хийсээр, яг хийж дуусгахыг хүссэн ажилдаа ахиц гаргаагүй байдаг бол•	Үргэлж л завгүй, тэгсэн хэрнээ юу ч хийж бүтээгээгүй мэт мэдрэмж авдаг бол•	Удаан хугацааны том зорилгууддаа урагш ахихгүй байгаа бол•	Бусдын гуйлтанд “үгүй” гэж хэлж чаддаггүй, бусдад ажил даалгаж чаддаггүй бол өнөөдрийн хичээлийг анхааралтай уншаарай. Таны амьдралд Айзенховерын матриц хэрэгтэй байна.Айзенховерын матриц гэж юу вэ?Энэхүү матрицыг АНУ-ын 34 дэх Ерөнхийлөгч Двайт Айзенховер анхлан зохиож, ажил үйлстээ ашигладаг байсан тул түүний нэрээр нэрлэгджээ. Хэдэн арван жилийн дараа зохиогч Стефен Ковей “Өндөр үр бүтээлтэй хүний 7 дадал” номондоо оруулж улам алдаршуулсан билээ. Түүний номны ачаар энэ матриц ажил хэргийн цагийн менежмент, шийдвэр гаргах үйл явцад өргөн ашиглагддаг, сонгодог арга болсон.&nbsp;Яаралтай ба чухал ажлын ялгааАйзенховерын матрицын гол үүрэг бол яаралтай ба чухал ажлыг ялгаж салган, чухлын зэргээр эрэмбэ тогтооход туслах юм.&nbsp;Яаралтай ажил бол “цагт мэдрэмтгий”, таны анхаарлыг нэн даруй шаардаж буй ажил юм. Энэ бол таны хийхээс өөр аргагүй, хийх ёстой ажлууд. Зөвхөн яаралтай ажлуудад төвлөрөх нь таныг реактив буюу тухайн мөчид л өөрийгөө хамгаалдаг, урдахаа л хардаг, яаруу сандруу, цаг нь тулсан үед л аливааг хийдэг нэгэн болгодог.&nbsp;Харин чухал ажлууд бол таны удаан хугацааны зорилго, үнэт зүйл, алсын хараанд хувь нэмэр оруулах ажлууд юм. Тэр ажлууд танд түргэн хугацаанд үр дүн өгөхгүй байж магадгүй (яг энэ шалтгаанаар бид чухал ажлуудыг хойшлуулдаг). Гэхдээ хийсэндээ урт хугацаандаа хамгийн ихээр баярлах ажлууд билээ. Чухал ажилд анхаарснаар та проактив буюу тайван, рациональ, том дүр зургаар нь хардаг төлөвт шилжинэ. 10 жилийн дараа та хувьдаа мөн ажил мэргэжилдээ ямар амьдралд хүрсэн байхыг хүсдэг вэ? Хэн болсон байхыг хүсч байна? Таныг тийш нь аваачих ажлууд энд багтана.&nbsp;Жич: Та чухал ажлыг удаан хугацаанд, хэт их хойшлуулсаар байвал тэр нь яаралтай ажил болон хувирдаг. Эрүүл мэнддээ анхаарахыг хойшлуулсаар яаралтай мэс засалд орохоос өөр аргагүй, хүнд шатанд орсон байдагтай адил юм.&nbsp;Хүмүүст яаралтай ажлууд бүгд чухал мэт санагддаг ч ихэвчлэн үгүй байдаг. Энэхүү төөрөгдөл нь бидний богино хугацааны асуудалд л анхаарах чадамжтай холбоотой.&nbsp;Айзенховерын матриц зурахдаа цаасыг хоёр шулуун шугамаар, дөрвөн ширхэг дөрвөлжин нүд болгож хуваагаад дараах байдлаар гарчиглаарай:&nbsp;1-р нүд (зүүн дээд): Чухал ба Яаралтай2-р нүд (баруун дээд): Чухал ба Яаралтай бус3-р нүд (зүүн доод): Чухал бус боловч Яаралтай4-р нүд (баруун доод): Чухал ч бус, Яаралтай ч бусДараа нь өөрийн урдах бүх ажлыг жагсааж бичээд, нэг нэгээр нь дээрх 4 нүдэндээ хуваарил. Нүд тус бүрт ноогдсон ажлыг яах ёстойг Тинабелийн зүгээс яруу тодоор нэрлэх гэж оролдлоо:&nbsp;1: Яг одоо хий/Яваандаа багасгаЭнэ нүдэнд яаралтай бөгөөд чухал ажлууд багтаж байгаа. Энэ бол таны анхаарлыг шууд шаардаж буй “асаатай түймэр”-нүүд билээ. Ихэвчлэн гэнэтийн асуудал, цаг нь тулсан ажлууд үүнд багтдаг.&nbsp;2: Яаж ийгээд төлөвлөгөөндөө оруулж хийЭнэ нүдэнд таныг урт хугацааны зорилгод хүргэх ажлууд багтана. Тэд цаг нь тулаагүй, яаралтай биш учраас таны анхаарлыг нэн даруй шаарддаггүй. Гэвч энэ нүдэнд байгаа ажлуудыг л та хамгийн их анхаарч, заавал ойрын хугацааны төлөвлөгөөндөө багтааж оруулах учиртай.&nbsp;3: Хэн нэгэнд даалгаЭнд таны анхаарлыг өөртөө татаж, хийхийг шаарддаг хэрнээ яг бодоод үзвэл тийм ч өндөр ач холбогдолгүй ажлууд багтана. Тиймээс та энэ нүдэн дэх ажлуудыг өөр хүнд даалгаарай. Жишээ нь, хамтран ажиллагчын гуйлт, яаралтай гэсэн шошготой имейл г.м&nbsp;4: Хийх хэрэггүй ээ, хаяЧухал ч биш, яаралтай ч биш, энэ нүдэнд орж байгаа ажлуудыг та хийгээд хэрэггүй. Твиттер, Фейсбүүктээ бичвэр нийтлэх, драманы шинэ анги болгоныг үзэх зэрэг нь энд багтаж болох юм.&nbsp;Аль нүднээс эхлэх вэ?Айзенховерын матрицыг ашигласнаар бид бага нөлөөтэй зүйлд их цаг, их нөлөөтэй зүйлд бага цаг зарцуулдгаа ажиглах боломжтой. Ихэвчлэн 1-р нүдний ажлууд амсраасаа хальж, бялхтлаа дүүрэн бичигддэг. Учир нь бидний ихэнх ажил л яаралтай, бас чухал болчихсон байдаг шүү дээ.&nbsp;1-р нүдэнд юу, юу бичсэнээ ажиглаад үзээрэй. Зарим нь үнэхээр л гэнэт үүссэн асуудлууд байгаа байх. &nbsp;Харин зарим нь таны урьд нь 2-р нүдний ажлаа муу хийснээс болж одоо 1-р нүдэнд орж ирсэн ажлууд бий. Зарим нь өдөр тутам л давтагдаж байдаг, залхмаар асуудлууд байгаа.&nbsp;1-р нүдний ажлуудыг та аль болох хурдан хийж дуусгаад, цаашид энэ нүдэн дэх ажлуудыг яаж багасгаж болох тухай бодоорой. 2-р нүдэнд байгаа аль ажлыг хийвэл таны 1-р нүдний ажлууд багасах вэ? Яваандаа энэ нүдийг дүүрэн байлгахгүйн тулд, дандаа л салхинд хөөгдөж байгаа мэт яарч сандарч амьдрахгүйн тулд яах ёстой вэ? Энэ асуултыг та өөрөөсөө асуугаарай.&nbsp;1-р нүдэнд бичигдсэн ажлуудынхаа ихэнхийг 7 хоногийн дотор шийдэх гэж хичээ. Тэгээд 2-р нүдэн дэх ажлууд руугаа ханцуй шамлан ор. 2-р нүдний ажлуудыг бүгдийг нь хийж болохуйц үйлдлүүд болгож задлаад ирэх нэг сарын төлөвлөгөөний хуудастаа тараан байрлуулаарай.&nbsp;Дараа нь 3-р нүдэнд бичигдсэн ажлуудыг хэрхэн өөрөөсөө чөлөөлөх аргыг бодоорой. Нэгэнт өөр хүнд даалгаж байгаа бол одоо таны биш тэр хүний асуудал болсон гэж үзээд, өөрийгөө чөлөөл. Мөн 4-р нүдний, гайхмаар их цаг авдаг ажлуудыг зүгээр л хаячих.&nbsp;Цаашид яах вэ?&nbsp;Цаашид, таны өмнө тулгарч буй ажлуудыг дээрх матрицийн аль нүдэнд хамаарахыг тогтмол анзаарч, ажиглаж байгаарай. 1-р нүдний ажил хэзээ ч барагддаггүй, түүнийг багасгах чухал ажлыг хийхгүй л бол таны бүх цаг хугацаа, залуу насыг авч оддог ажлууд байдаг юм шүү. 2-р нүдний ажилд өөрийн гэр бүл, эрүүл мэнд, хүүхдэд зарцуулах цагийг оруулж тооцоорой. Хамгийн чухал нь хүсэл мөрөөдөлдөө, хөгжил дэвшилдээ зориулах ажлуудыг оруулаарай.&nbsp;Маргаашийн хичээл: Гүн ҮйлЗүрх дарж хичээлээ уншсан гэдгээ мэдэгдээрэй. Share хийж хүмүүст хүргээрэй.

#4 “Яаралтай”-ийн занганаас чөлөөлөгдөх нь: Айзенховерын матриц 

Буюу төлөвлөгөө, зохион байгуулалтын тусламжтайгаар стрессээс ангижирч, үр бүтээлтэй амьдрах нь.&nbsp;Таны ажлын өдрийн ерөнхий дүр зураг иймэрхүү өнгөрдөг: Яг чухал мэйл бичиж байтал утас дуугарч “Нөгөө харилцагчийн асуудал юу болсон бэ?” гэж хэн нэгэн асууна. “Өө нээрээ” гэж санаад тэр асуудлыг зохицуулж байтал утсанд түрүү сарын төлбөрийн нэхэмжлэхүүд ирнэ. Тэрийг шилжүүлэх гэж байтал хамтран ажиллагчаас чинь “Энэ гэрээнүүдийг маргааш гэхэд хянаж дуусгах хэрэгтэй юм байна” гэсэн документ хавсаргасан чат ирнэ. Тэгж байтал таны ээж утасдаж&nbsp;аавынхаа алтан гадасны найранд бушуухан бэлдэх үүрэг онооно.&nbsp;Өдөр бүр галзуу юм шиг завгүй өнгөрч байхад хүсэл мөрөөдөл, зорилгын тухай яриа хаа хол хөндий санагдах нь дамжиггүй. “Өнхөрсөн хорголоо гүйцэхгүй” гэдэг үг танд тохирох юм шиг санагддаг учраас эхлээд зүгээр л бүх хийх ёстой зүйлсээ мартахгүй, хойшлуулахгүй, амжуулаад хийчих юмсан гэж танд бодогддог байх.&nbsp;Өнөөдрийн хичээл нь ар араасаа хийх юм нь ундраад л байдаг, ажил амьдралын зааг нь алдагдсан, гайхамшигт ой санамжаа зөвхөн юм мартахгүй байхад шахуу зориулж байгаа бүх хүнд хэрэгтэй.&nbsp;Цагийн менежмент, хувийн зохион байгуулалтын классик бүтээлүүдийн нэг Getting Things Done номонд заадаг системийг танд зааж өгье.&nbsp;Бидний тархины хүчин чадал гайхамшигтай. Гэхдээ тэр сэтгэн бодохдоо гаргууд боловч санах, бүртгэхдээ (track хийхдээ) тийм ч мундаг биш. Тийм байтал та энэ бүх хийх ёстой ажлуудаар тархиныхаа бүтээлч сэтгэлгээний орон зайг бөглөж байдаг. Таны тархи санаануудыг үйлдвэрлэх зориулалттай болохоос хадгалах зориулалттай биш. GTD-г эзэмшвэл та&nbsp;Ямар нэг юм мартсан эсэхт, яг одоо дараагийн хийх ёстой юм аль нь эсэхт, зөв цагтаа зөв юмаа хийж байгаа эсэхтээ ахиж санаа зовохгүй болно. Таны тархи хийх ёстой зүйлсийг санах ажлаас чөлөөлөгдсөнөөр шинэ санаа, дэвшилтэт бодлыг хүлээн авч, зорилгодоо төвлөрөх боломжтой болно. Өөрийгөө “Юу ч хийж амжуулахгүй юм” гэж битгий шийтгээрэй. Та зөв “хойшлуулах” аргаа л олохгүй байгаа юм.&nbsp;GTD систем нь дараах хэдэн алхмуудаас бүрдэнэ:&nbsp;1.	“In box” үүсгэхCapture буюу толгойндоо эргэлдэж байгаа түм буман “хийх ёстой зүйлсээ” шүүрч аваад, бүгдийг нь түмпэн рүү асгаж байгаа юм шиг дэвтэртээ жагсааж бич. Ямар ч дараалал, эрэмбэ, том жижгийн тухай бодох хэрэггүй. Анхаарлыг тань юу татаж байна, бүгдийг нь ар араас нь залгуулаад бичээрэй.&nbsp;2.	Жагсаалтаа боловсруулахClarify буюу жагсаасан ажил болгоныг хараад “Энэ үйлдэл болох зүйл мөн үү?” (Is it actionable?) гэж асуу. Өөрөөр хэлбэл, үйлдэл болгох боломжтой зүйл үү эсвэл хоосон санаа, өөртөө сануулах зүйл, шууд хийх боломжгүй бодол уу гэдгийг тодорхойлоорой. “Энэ үйлдэл болох боломжтой зүйл үү?” гэсэн асуултанд “Үгүй” гэсэн хариулт авсан ажлуудыг “хогийн сав” эсвэл “эргэн харах”, “хэзээ нэг өдөр” гэсэн ангиллуудад оруулж хасаарай. Дараа нь “Тийм” гэсэн хариулт авсан ажлуудыг хар.&nbsp;“Тийм” гэсэн хариулт авсан ажлуудыг “Яг дараагийн хийж болох үйлдэл нь юу вэ?” гэсэн асуултаар задлаарай. Хэрвээ тэр ажил нь ганц биш олон ажлаас нэгдэх прожект байвал тусад нь ахин бодит үйлдлүүд болгож задлаад, inbox-доо ахин оруулах нь зүйтэй.&nbsp;Харин одоо ганц бодит үйлдлээс бүрдэх ажлууд л танд үлдлээ. Үлдсэн ажлуудыг та “Үүнийг хийхэд хоёр минутаас бага хугацаа шаардагдах уу?” гэдэг асуултаар шүүж үз. Тийм гэсэн хариулт авсан бүх ажлыг яг одоо хий. (Ж: эгч рүү нөгөө пэйжийг олж явуулах, хүүхдийнхээ сургуульд цахимаар бүртгүүлэх г.м) Энэ ажлууд тийм бага хугацаа шаардах хэрнээ таниар “хийгдэж өгөхгүй” хэчнээн зовоолоо доо?&nbsp;Ахиад цаана нь үлдсэн ажлуудыг та “Даалгах”, “Дараа хийх” хоёр ангилалд хуваагаарай. Өөр хүнд даалгаж болох бүх ажлуудыг даалга. Харин “Дараа хийх” ангиллын ажлуудыг төлөвлөгөөний дэвтэр дээрээ ирэх 7 хоногийн өдрүүдэд хуваарилан тараа. Дараа гэдэг нь яг хэзээ, хэдийд вэ гэдгийг заавал тодорхой оноогоорой. Ажил нэг бүрийг аль нэг өдөр эсвэл цагт хийхээр хуваарилаарай. Гол нь таны ажлууд ерөнхий биш, бодитой үйлдэлд хөтлөхүйц бичигдсэн байх ёстой. “Маркетингийн аяны санааг бодох” биш “Маркетингийн аяны санааг интернетээс хайж судлах”, “Судалсан санаануудаа жагсааж сонгох” гэх мэт бүүр танд яах, ийхийг нь хэлээд өгчихсөн бодитой даалгавар болгож бичнэ гэсэн үг.&nbsp;Дээрх алхмыг хийхдээ ижил төстэй ажлуудыг нэг дор жагсаагаад, нэг өдөрт цуглуулж хийвэл ашигтай. Бүх уулзалтыг, бүх гадуур явах ажлыг, бүх интернет самнах ажлуудыг нэг дор нь бөөгнүүлж хийгээрэй. Олон ажлаас бүрдсэн прожектыг хийгдэх ёстой дарааллынх нь дагуу байрлуулвал төлөвлөгөөндөө оруулж, өдөр онооход хялбар байх болно.&nbsp;3.	Одоо танд зөвхөн хийх л үлдлээ. GTD системийн гол давуу тал нь бодлыг бодит үйлдэл болгох процессийг хийдэг гэсэн үг. “Бодоод л яваад байна” гэж ярьдгаа болиод шууд үйлдэл болгоно гэсэн үг.&nbsp;Нэг удаадаа дээрх аргаар ойрын хэдэн долоо хоногийн ажлуудаа цэгцлээд авбал та хэсэгтээ л “Одоо юуг нь хийх вэ?” гэж бодлоо шатаах шаардлагагүй болно. Мөн цаашдаа танд нэмэгдэж орж ирсэн ажил болгоныг л та inbox руугаа хийж байгаад долоо хоногтоо нэг удаа бүгдийг нь цэгцэлж хуваарилаад байхад болно.&nbsp;“Яг одоо хийх боломжтой үйлдэл нь юу вэ?” гэдэг асуултыг байнга бодож яваарай. Амжилт!Маргаашийн хичээл: Эйзенховерын матрицЗүрх ❤️ дарж хичээлээ уншсан гэдгээ мэдэгдээрэй. Share хийж бусдад түгээгээрэй.

Тархиндаа сэтгэх зай гарга: GTD систем

Төлөвлөж сурвал тэр таны олноос ялгарах онцгой ур чадвар болно гэж эхний хичээлд дурдсан даа? Тэгвэл гүн үйлд суралцвал тэр нь таны олноос “тасрах” бүр супер хүч болно. Сатааралд донтсон нийгэмд төвлөрч сурна гэдэг хүн амын багахан хувьд л байдаг супер хүчийг эзэмшихтэй адил. Deep work номын зохиогч Кэл Ньюпортын 2016 онд дэвшүүлсэн энэ санаа сатааралд донтсон нийгэмд ус агаар мэт хэрэгтэй байсан юм. Өглөө нь болсон үйл явдал өдөр нь мартагддаг, хэт хурдтай энэ дэлхийд бид бүгд л яарч сандарч, ямар нэг юмыг хийсээр орой болоход ядарч унах дөхсөн ч яг гарт баригдах дорвитой юуг хийж бүтээснээ ойлголгүй орондоо ордог. Олон сошиал медиа платформ, олон төхөөрөмж, олон шинэ мэдээллүүд байх тусам бидний гүн үйл хийх чадамж өдрөөс өдөрт багасаж байгаа. Тиймээс л өндөр бүтээмжтэй ажилладаг хүмүүс улам онцгой, ховорт тооцогдож байгаа билээ.&nbsp;Өндөр бүтээмжтэй ажил=(Зарцуулсан хугацаа)х(Төвлөрлийн хүч)&nbsp;Гүехэн үйл:&nbsp;Хуралд суудал бөглөх, хүмүүс рүү утасдах, чатлах зэрэг таныг байхгүйд өөр хүн ч хийчихэж чадах, танин мэдэхүйн ур чадвар шаардахгүй ажлууд. Тодорхой зорилгогүй хүн өөрийгөө завгүй байна гэж итгэхийн тулд эдгээр хөнгөн, гүехэн, амархан ажлуудыг хийсээр байдаг.&nbsp;Гүн үйл:&nbsp;Сатаарлаас ангид төлөвт, таны танин мэдэхүйн ур чадварыг тултал нь сорьж үйлдэгддэг ажлууд. Энэ ажил л таныг шинэ түвшинд гаргаж, хуулбарлах боломжгүй үнэ цэнийг бүтээхэд тусалдаг. Ямар нэг зүйлд мастер болгодог, дорвитой юм гараас гаргадаг ажлууд юм. Голцуу нэг дор 1+ цаг төвлөрч суудаг ажлууд байдаг. Гүехэн ажлуудаас зугтаахад хэцүү боловч тэдэнд зарцуулдаг цаг хугацааг ухамсартайгаар багасгаж, гүн үйл хийх цагийг өөртөө гаргах нь зүйтэй юм.&nbsp;Та яаж гүн үйл хийж болох вэ?1. Ганцаарчилсан гүн үйл-Өөрийгөө бусдаас тусгаарлаж, утас таблет зэрэг төхөөрөмжүүдээ унтраагаад удаан хугацаагаар (хэдэн хоног эсвэл нэг сар) төвлөрөх. Лагертаа очих, амралын газарт өрөө түрээслэх гэх мэт. Голцуу эрдэмтэд, зохиолчид, зураачид энэ аргаар гүн-үйл хийдэг.&nbsp;2.	Холимог хосолсон гүн үйл-Долоо хоногийн тодорхой 2 өдрийг гүн үйлд зориулах. Даваа, Мягмар гарагийг эсвэл Баасан Бямба гарагийг гэх мэтээр тогтмол гүн үйлд зориулдаг өдөртэй болох.&nbsp;3.	Цагийн блок үүсгэх-Хамгийн амархан арга бол өдөр тутамдаа төвлөрдөг, гүн үйл тогтмол хийдэг цагийн блокийг үүсгэх юм. Гүн үйлд 3-4 цагийг зарцуулахад хамгийн тохиромжтой бөгөөд нийтлэг туршлагаас харахад өглөөнөөс үдийн цайны цаг хүртэл байвал зүгээр. Хэрвээ тийм боломжгүй, өглөөгүүр л хуралдах болон бусад яаралтай ажлуудаа хийдэг бол өдөр эсвэл орой ч байж болно.&nbsp;Дээрхээс аль нэг аргыг сонгоод, өөрийн гэсэн гүн үйлийн дүрэмтэй болоорой. Яг гүн үйл эхлэх үед утас, компьютер, сошиал медиа бүгдийг нь хаах эсвэл аль нэгийг л нээх гэх мэт дадал тогтоо. Мөн хамтран ажиллагсаддаа өөрийн гүн үйлийн хуваарийг хэлээрэй. Тэгвэл тэд аль цагт танд саад болохгүй гэдгээ ойлгоно. Мөн гүн үйлийг эхлэхдээ дэргэдээ аяга кофе, хэдэн ширхэг самар тавих, сандлаа тохируулах, шааль нөмрөх, ширээгээ цэвэрлэх ч юм уу өөртөө тухтай нөхцлийг бүрдүүлж байгаад суугаарай.Маргаашийн хичээл: Өнгөний кодчилол

#5 Таны ажлын супер хүч: Гүн Үйл 

Оюутан, сурагч байхдаа та лекцийн тэмдэглэл хийхдээ өнгө өнгийн тодруулагч ашигладаг байсан уу? Лекц, семинар хоёрыг өөр өөр өнгөөр, томьёо онол хоёрыг өөр өөр өнгөөр гэх мэт ялгаад хөтөлсөн тэмдэглэлээ эргээд харахад цэгцтэй, ойлгомжтой, мэдлэгийг тархиндаа шууд хүлээж авахад бэлэн харагддаг байсан шүү дээ. Төлөвлөгөө хийхдээ ч бас өнгөний кодчлол ашиглаад үзээрэй.&nbsp;Нэг өнгийн балаар эрээлжлүүлэн бичсэн ажлуудыг харахаар танд аль нь чухал, аль нь илүү анхаарал хандуулахуйц, аль нь том аль нь жижиг ажил гэдгийг ялгаж танихад хэцүү байж мэднэ. Ялангуяа хувийн, хувьсгалын ажлууд холилдоод бичигдчихээр бүр ярвигтай болдог. Өнгөний кодчлол ашигласнаар хараад л хаана, хэзээ юу байгааг тархиндаа хялбархан боловсруулах боломжтой.&nbsp;Өнөөдрийг хүртэл 5 хоногийн хичээлээр бид ажлаа чухлын эрэмбээр, гүн гүехнээр нь, одоо хийх дараа хийхээр нь зэрэг олон янзаар ангилж, төлөвлөгөөгөө зөв зохиох талаар хичээлүүд үзсэн. Хичээлийнхээ дагуу ангилсан ажлуудаа өдөр тутамдаа холиод биччихээр ялгасан хөдөлмөр нь мэдрэгдэхгүй байвал өнгийн үзэг эсвэл тодруулагчууд ашиглаад кодлоорой.&nbsp;Өнгөний кодчлол гаргах зарим санаанууд:•	Ажлын, хувийн task-уудыг хоёр өөр өнгөөр кодолж болно.•	Ажиллаж буй төсөл, ажлын төрлүүдийг тус бүрчлэн өөр өнгөөр кодолж болно. Жишээ нь миний хувьд EP-тэй холбоотой ажил, сошиал медиа ажил, захиалга хүргэлттэй холбоотой ажил, дизайн шинэ бүтээгдэхүүний ажил гэх мэтээр өөр өөр өнгө оноож болох нь.•	Тухайн ажилд зарцуулах хугацаагаар ялгаж кодолж болно. Жишээ нь, 15 минутын ажлыг шараар, 2 цаг зарцуулах ажлыг ногооноор, яаралтайг улаанаар гэх мэт. Гүн үйлийг нэг өнгөөр, гүехэн үйлийг өөр өнгөөр г.м•	Олон хүүхэдтэй ээжүүдэд хүүхэд тус бүртэй холбоотой task-ыг өөр өнгөөр кодолж болно.&nbsp;•	Ажлаас гадуурх сонирхлын клуб, холбооны ажлаа өөр өнгөөр кодолж болно•	Таны хамгийн их анхаарал хандуулах ёстой ТОМ ажлыг ганцааранг нь сондгойруулж тод өнгөөр кодолж болно.&nbsp;Хэдэн өнгө ашиглах нь зохимжтой вэ?Дээд тал нь 4 өнгө ашиглахыг зөвлөж байна. Хэтэрхий олон өнгө таны толгойг эргүүлэх магадлалтай. Өнгөөр кодлох нь ажлуудыг “багцлах”(cluster)-д ч тустай. Бүх хийх ёстой ажлаа жагсааж бичээд, цагт хуваарилахаасаа өмнө өнгөөр кодлочихвол нэг өнгөд харьяалагдах ажлуудыг нэг дор хийж, үлдсэн цагаа гүн үйлд зориулах гэх маягаар өдрийн туршид тарж байрладаг жижиг ажлуудаас цагаа эргүүлэн олж авах боломжтой.

Хараад л ялгах нь: Өнгөний кодчлол

🤔Баттай болоогүй ажлаа дэвтэр дээрээ биччихээр дараа нь баллаж сохлох хэрэг гардаг тэ? Ганц нэг тийм ажлыг балын харандаагаар бүдэгхэн биччихэж байгаарай, боломгүй бол арилгачихна шүү дээ.&nbsp;💫Үүнд:-Бусдын шийдвэрээс хамааралтай ажил-Барагцаа хугацаатай, яг өдөр нь товлогдоогүй байгаа ажлууд зэрэг багтана.&nbsp;Зарим хүн тийм ажлыг огт төлөвлөгөөндөө оруулахгүй, бичихгүй орхичихдог. Тэгэхээр тархинд тухайн ажил “тодорхойгүй” төлөвтэй үлдэж, мартагдах орхигдох, эсвэл яах нь мэдэгдэхгүй эд хогшил шиг стресс үүсгэдэг. Тиймээс ажил бүрт л огноо олговол сайн. &nbsp;Гэхдээ дан өөрөөсөө, эсвэл 80% өөрөөсөө шалтгаалах ажлыг ингэж бүдэгхэн бичиж болохгүй шүү. Тэгвэл баллуурдсаар байгаад гаргасан төлөвлөгөөндөө итгэхээ болино, сахилга баттай байхаа болино. Бичээд, бичсэнээ яаж ийгээд биелүүлчихдэг байгаарай. Дэвтрээ хүлээж авахдаа бэлдээд манай www.tinabel.mn сайтын нийтлэлүүд хэсэг дэх бусад төлөвлөлтийн зөвлөгөөг уншиж л байгаарай.&nbsp;#tinabeltip&nbsp;

2026-06-05 04:23

Энэ жил таны өөртөө хийх хамгийн чухал өөрчлөлт: ТУУШТАЙ БАЙХ

2026-06-05 04:23

ГЭРТЭЭ ХҮҮХДЭЭ ХАРАХ ХУГАЦААНДАА ХЭРХЭН БИЗНЕС ЭХЛҮҮЛЭХ ВЭ?

2026-06-05 04:23

ӨӨРИЙГӨӨ ХАЙРЛАНА ГЭДЭГ “ХИЛ ХЯЗГААР ТОГТООХ”-ЫГ ХЭЛНЭ

2026-06-05 04:23

ГЭРТЭЭ ХҮҮХДЭЭ ХАРАХ ХУГАЦААНДАА ХЭРХЭН БИЗНЕС ЭХЛҮҮЛЭХ ВЭ? (Part 2)

2026-06-05 04:23

Би ээж-Би ингэж ажлаа амжуулдаг

2026-06-05 04:23

“MIT" буюу Хамгийн чухал таск гэж юу вэ?

2026-06-05 04:23

Төлөвлөдөг хүмүүсийн 8 нийтлэг шинж

2026-06-05 04:23

Цаг төлөвлөлтийн талаар 8 богино, бодитой зөвлөгөө

2026-06-05 04:23

Яаралтай ба чухал ажлын алийг нь түрүүлж хийх вэ?

2026-06-05 04:23

Жинхэнэ эрчүүд феминист байдаг буюу Феминизмийн тухай таны мэдвэл зохих 5 зүйл

2026-06-05 04:23

Төлөвлөх дадлыг хэрхэн бий болгох вэ?

2026-06-05 04:23

#1 Бүтээмжийг шийддэг “3T”

2026-06-05 04:23

#4 “Яаралтай”-ийн занганаас чөлөөлөгдөх нь: Айзенховерын матриц

2026-06-05 04:23

Тархиндаа сэтгэх зай гарга: GTD систем

2026-06-05 04:23

#5 Таны ажлын супер хүч: Гүн Үйл

2026-06-05 04:23

Хараад л ялгах нь: Өнгөний кодчлол

2026-06-05 04:23

Баттай болоогүй ажлыг яах вэ?

Tinabel

Туслах цэс

Холбоо барих